ថ្មីៗនេះ មានព័ត៌មានបង្កឱ្យភ្ញាក់ផ្អើលជាថ្មី ដោយលោក Andrew MacGregor Marshall ដែលជាអតីតអ្នកកាសែតអន្តរជាតិមួយរូបបានទម្លាយឱ្យដឹងនៅតាមបណ្តាញសង្គមរបស់លោកថា ព្រះនាង Bajrakitiyabha ដែលជាបុត្រីច្បងរបស់ស្តេចថៃ បានសោយទិវង្គតហើយ។
ងាកទៅខាងក្រោយបន្តិច លោក Andrew MacGregor Marshall នេះហើយ ដែលជាអ្នកបានទម្លាយលើកមុនថា មាតារបស់ស្តេចថៃបានសុគត តែត្រូវគេបិទបាំង និង ប្រើវេជ្ជសាស្រ្តរក្សាទុកឱ្យបានយូរ រង់ចាំពេលវេលាត្រឹមត្រូវ។ លុះក្រោយមក នៅថ្ងៃទី ២៤ ខែតុលា ឆ្នាំ ២០២៥ ខាងព្រះរាជវាំងថៃ ក៏បានឱ្យដំណឹងថា មាតាស្តេចថៃ គឺព្រះនាង ស៊ីរីគិត បានសោយទីវង្គតពិតមែន។
គួរឱ្យដឹងដែរថា ព្រះនាង Bajrakitiyabha បានធ្លាក់ខ្លួនឈឺដោយសារជំងឺបេះដូង តាំងពីឆ្នាំ ២០២២ កន្លងទៅ ហើយព្រះនាងបានសម្រាកព្យាបាលនៅក្នុងមន្ទីរពេទ្យ Chulalongkorn ដោយមានក្រុមគ្រូពេទ្យបានព្យាយាមព្យាបាល ដោយផ្ដល់ថ្នាំ និង ឧបករណ៍ជំនួយដល់សួត និង ក្រលៀនមកដល់សព្វថ្ងៃ រហូតមកដល់ថ្ងៃទី ១៥ ខែសីហា ឆ្នាំ ២០២៥ កន្លងទៅ ព្រះនាងក៏បានធ្លាក់ខ្លួនឈឺមួយកម្រិតទៀត ដោយសារតែការឆ្លងមេរោគក្នុងឈាម។ យ៉ាងណាមិញ នៅមិនទាន់មានព័ត៌មានផ្លូវការណាមួយពីរាជវាំងថៃ ដែលបញ្ជាក់ពីការពិតចំពោះការស្លាប់របស់ព្រះនាងនៅឡើយទេ៕
