មហាជនអ្នកគាំទ្រតាមដានលើបណ្ដាញសង្គមបានចាប់អារម្មណ៍ហើយ ជុំវិញរឿងរ៉ាវវែកញែកទាក់ទងនឹងថវិកាមូលនិធិក្រុមរបស់លោក PeyPey Dy ក្រោយពីខ្នះខ្នែងចុះផ្ដល់ជំនួយមួយរយៈធំ និង ស្របពេលស្ថានភាពប្រទេសប្រសើរបន្តិច ក៏មានការបញេញមតិវែកញែកខ្លះៗពាក់ព័ន្ធនឹងការចាត់ចែកថវិកាជំនួយ ដោយមានអ្នកលេងបណ្ដាញសង្គមមួយចំនួនទាមទារចង់មើលរបាយការណ៍នៃការចាត់ចែកចំណាយថវិកានេះ។
ស្របពេលទទួលរងពាក្យពេចន៍វែកញែកខ្លះពីអ្នកលេងហ្វេសប៊ុកមួយចំនួននោះដែរ ក្រុមជំនួយនៃមូលនិធិ PeyPey Dy ក៏តែងបញ្ជាក់អះអាងម្ដងហើយម្ដងទៀត ជុំវិញការចាត់ចែងថវិការបស់សប្បុរសជនឱ្យមានប្រយោជន៍បំផុត។
យ៉ាងណាមិញ ជុំវិញរឿងរ៉ាវខាងលើនេះ នៅតែបន្តមានការវែកញែកខ្លាំងពីអ្នកលេងបណ្ដាញសង្គមមួយចំនួនរហូតមកដល់នេះ ទោះបីជាមានមហាជនអ្នកគាំទ្រ ក៏ដូចជាអ្នកក្នុងសិល្បៈជាច្រើន បានបង្ហាញការទុកចិត្តជឿជាក់ចំពោះការចាត់ចែងលើថវិកាមូលនិធិនេះក៏ដោយ។
ដោយឡែក មកដល់ថ្មីៗនេះ ក្រឡេកមើលហ្វេសប៊ុករបស់លោក Ah Da Sakada ក្នុងនាមជាក្រុមមូលនិធិជំនួយនេះ ក៏បានបង្ហោះសារមួយដោយទ្រាំនឹងការវែកញែកតែស្ករទៀតមិនបាន លោកក៏បានឆ្លើយតបយ៉ាងក្ដៅទៅកាន់លោក ម៉ៃ សុគន្ធ និង អ្នកលេងបណ្ដាញសង្គមតែស្ករផ្សេងទៀតជុំវិញរឿងនេះ ដោយបញ្ជាក់ថាក្រុមរបស់លោកនឹងមិនបញ្ចេញរបាយការណ៍ចាត់ចែងថវិកានេះឡើយ ដោយទុកឱ្យពួកអ្នកតែស្ករទាំងនោះឆ្ងល់រហូត ទោះយកមេធាវីមកប្ដឹងពួកលោកក៏ត្រៀមទទួល ដោយជឿជាក់លើភាពស្អាតស្អំមិនខ្លាចនឹងជាប់គុកឡើយ។
សារនោះ លោក Ah Da Sakada បានបង្ហោះរៀបរាប់ថា ៖ «អញសុំផ្ញើជូនអាច្រមុះតោអត់រន្ធ រួមទាំងពួកមីឆ្ងល់ទាំងឡាយ! របាយការណ៍នេះ ពួកអញនឹងមិនបញ្ចេញដល់ថ្ងៃពួកង៉ែងលាចាកលោកទៅ អញទុកឱ្យង៉ែងឆ្ងល់ ទាំងពេលង៉ែង ដេក ដើរ ច្រាសបាយ ជុះអាចម៌ ចូលសង្គ្រោះបន្ទាន់ និង ដង្ហើមចង្រិត! យកមេធាវីមកប្តឹងអញមក ណាចាំ ! បងប្អូនជនរួមជាតិ ជួយធ្វើសាក្សីណា ទោះអញជាប់គុក ក៏អញអត់និយាយដែរ ! I love my រដ្ឋាភិបាល! Thank you for your hard working for Cambodia»។
លើសពីនេះ លោក Ah Da Sakada ក៏បានផ្ដាំទៅកាន់អ្នកវែកញែកតែស្ករជុំវិញរឿងជំនួយទាំងនោះស្របពេលស្ថានភាពប្រទេសកំពុងមានបញ្ហាជាថ្មីថា ៖ «ដល់ពេលត្រូវមី សុគន្ធ ច្រមុះតោ អាធា និង ពូចក់ រួមទាំងពួកតែស្ករចេញមុខរកជំនួយជូនបងប្អូននៅព្រំដែនហើយ ផ្អាកលេងល្បែងសិន អាយុកញ្ចាស់ក្បាលអញ្ចឹង ត្រូវចេញមុខមកជួយជាតិ»៕
