ដូចពាក្យគេថា «ទើបតែស្គាល់ខ្លួនឯង!» សំដៅដល់អ្នកដែលដឹងថាខ្លួនឯងជាមនុស្សស្រលាញ់ភេទដូចគ្នា។ ទោះការស្រលាញ់ភេទដូចគ្នាជារឿងខុសធម្មជាតិ តែអ្នកនឹងមិនខុសឡើយ បើអ្នកស្មោះត្រង់ទទួលស្គាល់ការពិតរបស់ខ្លួន។ សម្រាប់អ្នកមិនច្បាស់ខ្លួនឯងថាស្រលាញ់បុរសភេទដូចគ្នាឬអត់ ប៉ុន្មានចំណុចខាងក្រោមនេះ នឹងជាសញ្ញាបង្ហាញច្បាស់ថា អ្នកពិតជាស្រលាញ់មនុស្សប្រុសដូចគ្នា។
១. សុបិន ឬស្រមៃការរួមភេទជាមួយមនុស្សប្រុស
ប្រសិនបើអ្នកសុបិនឬស្រមៃការរួមភេទជាមួយមនុស្សប្រុស វាមិនទាំងស្រុងឡើយដែលអ្នកស្រលាញ់ប្រុសដូចគ្នា។ វាអាច ៥០ លើ ៥០។ ប៉ុន្តែបើអ្នកចាប់ផ្តើមសុបិនឬស្រមើស្រមៃមានអារម្មណ៍រំភើបជាមួយមនុស្សប្រុស ដក់ចិត្តគិតហើយគិតទៀត ជាពិសេស ស្រមៃពីចំណុចលើរាងកាយបុរស វាជាសញ្ញាបង្ហាញថា អ្នកពិតជាស្រលាញ់បុរសភេទដូចគ្នាយ៉ាងពិតប្រាកដ។ ការសម្រេចកាមដោយស្រមៃគិតដល់រូបភាពមនុស្សប្រុស មើលវីដេអូកូនជ្រូកចង់ឃើញតែតួប្រុស ឬតួប្រុសរួមភេទជាមួយមនុស្សប្រុស ក៏ត្រូវបានរាប់បញ្ចូលផងដែរ។
២. អារម្មណ៍ជ្រាលជ្រៅជាមួយមនុស្សប្រុស
ជាមួយមនុស្សប្រុស អ្នកមានអារម្មណ៍មនោសញ្ចេតនាស៊ីជម្រៅ និង ចង់បានភាពស្និទ្ធស្នាល។ មិនថាការទំនាក់ទំនង ភាពរីករាយ ការយកចិត្តទុកដាក់ និង ការថ្នាក់ថ្នម អ្នកប៉ងប្រាថ្នាចង់បានអ្នកមើលថែទៅថ្ងៃមុខជាមនុស្សប្រុស។
៣. អារម្មណ៍ប្លែកពេលចូលវ័យជំទង់
កាលនៅវ័យក្មេងឬវ័យជំទង់ ខណៈដែលមិត្តជុំវិញខ្លួនចាប់អារម្មណ៍ទៅលើមនុស្សស្រី អ្នកបែរជាប្លែកគិតតែទៅលើមនុស្សប្រុសវិញ។ ពេលនិយាយដល់ការស្រលាញ់មនុស្សស្រី អ្នកនឹងមានអារម្មណ៍ដូចមិនមែនជាខ្លួនឯង មិនមែនជាអ្វីដែលខ្លួនចង់បាន។ តែបើនិយាយពីមនុស្សប្រុស អ្នកហាក់ដាស់អារម្មណ៍ និង មានអារម្មណ៍រំភើបប្លែក។
៤. គ្មានទំនុកចិត្តពេលនៅជុំវិញអ្នកស្រលាញ់ភេទដូចគ្នា
ពេលនៅជិតក្រុមមនុស្សដែលបង្ហាញការស្រលាញ់ភេទដូចគ្នា អ្នកមានអារម្មណ៍ហាក់មិនស្រណុកខ្លួន ដោយខ្លាចគេចោទឬមានសំណួរពាក់ព័ន្ធនឹងការស្រលាញ់ភេទដូចគ្នា។
៥. មានអារម្មណ៍កក់ក្តៅចំពោះសង្គម LGBTQ+
ទោះមិនចូលរួមដោយផ្ទាល់ ត្រឹមឃើញសកម្មភាពរបស់សហគមន៍អ្នកស្រលាញ់ភេទដូចគ្នាឬ LGBTQ+ អ្នកនឹងមានអារម្មណ៍ថាខ្លួនឯងជាផ្នែកមួយនៃសហគមន៍ ជាមនុស្សចំណោមពួកគេ ហើយឆាប់យល់ពីវប្បធម៌នៃសង្គមមួយនេះ។ ជាពិសេស អ្នកតែងតែចង់ឃើញ ចង់ដឹង និង តាមដានសង្គមមួយនេះ៕
