ពេទ្យណែនាំជឿៗខ្លះទៅ! អ្នកមិនហូបអាហារពេលព្រឹក អាចប្រឈមការបាក់ទឹកចិត្ត ខ្សោយបញ្ញា និង គ្មានចំណាប់អារម្មណ៍ធ្វើអ្វីផ្សេងៗ

ជាការពិតណាស់ ការទទួលទានអាហារពេលព្រឹក គឺអាចជួយឱ្យអ្នកមានអារម្មណ៍ស្វាហាប់ និង មានថាមពល ដែលក្នុងនោះវាក៏បានផ្ដល់នូវអត្ថប្រយោជន៍ជាច្រើនចំពោះសុខភាពរបស់យើង។

ជាក់ស្ដែង នៅថ្ងៃទី ០៥ ខែធ្នូ ឆ្នាំ ២០២៤ ថ្មីៗនេះ តាមរយៈវេជ្ជបណ្ឌិត គា សុខឡេង ជាវេជ្ជបណ្ឌិតឯកទេសសង្រោះបន្ទាន់ និង ប្រពោធនកម្ម (ជំងឺកម្រិតធ្ងន់) បានចែករំលែកចំណេះដឹងបន្ថែមអំពីអត្ថប្រយោជន៍ដ៏សំខាន់មួយ នៃអាហារពេលព្រឹកដែលលោកអ្នកគួរតែទទួលទាន ចៀសវាងការរំលងចោលមិនទទួលទានវានៅពេលព្រឹក។

ក្នុងនោះ លោកវេជ្ជបណ្ឌិត គា សុខឡេង បានចែករំលែកយ៉ាងខ្លី ក៏ជាសារដាស់តឿនមួយដល់មហាជនឱ្យដឹងថា ​៖ «អ្នកដែលមិនហូបអាហារពេលព្រឹក អាចប្រឈមមុខនឹងជំងឺការបាក់ទឹកចិត្ត មិនមានចំណាប់អារម្មណ៍ធ្វើអ្វីផ្សេងៗ និង ការគិត/បញ្ញាចុះអន់ខ្សោយ»៕