នៅថ្ងៃទី ១៨ ខែមេសា ឆ្នាំ ២០២៥ នេះ វេលាម៉ោងប្រមាណ ១២ និង ៣០ នាទីថ្ងៃត្រង់ មានករណីប្តីប្រពន្ធ ១ គូ បានបបួលគ្នាទៅលោតទឹកសម្លាប់ខ្លួន ពីលេីស្ពានជ្រោយចង្វារ តែសំណាងល្អក៏ត្រូវបានបងប្អូនជនជាតិខ្មែរឥស្លាម ចេញទូកនេសាទជួយសង្គ្រោះទាន់ពេលវេលា នៅចំណុចស្ពានជ្រោយចង្វារ សង្កាត់ស្រះចក ខណ្ឌដូនពេញ រាជធានីភ្នំពេញ។
ក្រោយកេីតហេតុ បងប្អូនជនជាតិខ្មែរឥស្លាម បាននាំប្តីប្រពន្ធ ១ គូខាងលេីនេះ ទៅដាក់នៅក្រោមស្ពានជ្រោយចង្វារ ដេីម្បីឱ្យសាច់ញាតិមកទទួលយកទៅផ្ទះវិញ។
ក្នុងនោះ បើតាមការសម្ភាសក្នុងសារព័ត៌មាន TVFB បុរសជាប្ដីដែលមានសភាពរបួសដៃ បានរៀបរាប់ថាខ្លួនបានដួលម៉ូតូរបួសដៃនៅផ្ទះ ហើយមិត្តភក្តិរបស់គេបានហៅប្រពន្ធខ្លួនឱ្យទៅធ្វើម្ហូបឱ្យ និង បានបើកសំឡេងបាសឮៗរួចបានធ្វើសកម្មភាពរំលោភប្រពន្ធរបស់ខ្លួនតែម្ដង។ ដោយក្ដីខកបំណងនឹងគ្មានលុយឱ្យថ្លៃព្យាបាលដៃ និង គ្រួសារជួបបញ្ហាបែបនេះ ទើបធ្វើឱ្យប្ដីប្រពន្ធមួយគូនេះ ដឹកដៃគ្នាទៅបញ្ចប់ជីវិតនៅស្ពានជ្រោយចង្វារ៕
ដើម្បីជ្រាបកាន់តែច្បាស់ សូមចុចទីនេះដើម្បីទស្សនាវីដេអូ
ប្រភព ៖ Fresh News Live និង TVFB News 24h
