បើគិតមកដល់ពេលនេះ រយៈពេលប្រមាណជាងកន្លះឆ្នាំមកហើយ ដែល Influencer មានប្រជាប្រិយភាព លោក ហេង វាសនា និង លោក ហ្វុង បានបើកចំហចំណងស្នេហ៍ជាសាធារណៈ ក្រោយមានទំនាក់ទំនងនឹងគ្នាមួយរយៈធំ។
ក្រោយបើកចំហចំណងស្នេហ៍ទៅកាន់មហាជនហើយនោះ អ្នកគាំទ្រជាច្រើនក៏បានសង្កេតឃើញថា លោក ហេង វាសនា និង លោក ហ្វុង កាន់តែបង្ហាញពីភាពផ្អែមល្ហែម និង ចំណងស្នេហ៍យ៉ាងមានសុភមង្គលពីមួយថ្ងៃទៅមួយថ្ងៃ។
យ៉ាងណាមិញ អ្វីដែលកាន់តែធ្វើឱ្យអ្នកគាំទ្រចាប់អារម្មណ៍ និង លួចច្រណែនដល់គូស្នេហ៍មួយគូនេះ ខណៈមួយរយៈក្រោយនេះ លោក ហេង វាសនា និង លោក ហ្វុង បានដើរលេងកម្សាន្តទាំងក្នុង និង ក្រៅប្រទេសជាលក្ខណៈគ្រួសារយ៉ាងរីករាយ។
ក្នុងនោះ គេបានឃើញ លោក ហេង វាសនា បាននាំលោក ហ្វុង ទៅណាមកណាជួបជុំក្រុមគ្រួសារពោរពេញដោយក្ដីសុខ ពោលគឺ ទាំងអ្នកម្តាយ បងស្រី និង ប្អូនប្រុសរបស់លោក ហេង វាសនា ពិតជាស្រឡាញ់ពេញចិត្ត លោក ហ្វុង ក្នុងនាមជាសាច់ថ្លៃរួចរាល់ហើយ៕
