កាលពីរាត្រីថ្ងៃទី ១០ ខែមករា ឆ្នាំ ២០២៥ កន្លងទៅនេះ អ្នកលេងបណ្តាញសង្គមហ្វេសប៊ុក បានចែករំលែកជាបន្តបន្ទាប់ក្រោយពីបុរសម្នាក់មានគណនីហ្វេសប៊ុកឈ្មោះ Sekla Keo បានទម្លាយថាជាគូដណ្តឹងរបស់ Top 4 MasterChef Cambodia រដូវកាលទី ៣ កញ្ញា ប៊ុន លីនណា។ លើសពីនោះ អ្វីដែលកាន់តែចាប់អារម្មណ៍ បុរសរូបនោះ គឺជាប្អូនប្រុសបង្កើតរបស់តារាចម្រៀង កែវ សុបញ្ញា ទៀតផង។
ក្នុងនោះ លោក Sekla Keo ដែលអះអាងជាគូដណ្តឹងកញ្ញា ប៊ុន លីនណា បានរៀបរាប់ថា៖ «គ្រប់យ៉ាងត្រូវបានលាតត្រដាង យុគ ៩ ជាយុគភ្លើងបានដុតរំលាយឱ្យឃើញពីភាពក្បត់ និង មិនស្មោះត្រង់របស់អូន។ ពួកយើងជាគូដណ្តឹងនឹងគ្នា ពួកយើងបានបែកគ្នាម្តងរួចមកហើយ បន្ទាប់ពីខ្ញុំបានបិទហាងផ្ទាល់ខ្លួនហាង buffet មួយកន្លែង។ ពួកយើងបានរស់នៅផ្សេងគ្នាមួយរយៈ បន្ទាប់មកពួកយើក៏បានត្រូវគ្នាវិញ ក៏ត្រលប់មករស់នៅជាមួយគ្នាធម្មតា។
គាត់បានទៅប្រឡង Masters chefs រហូតទទួលបានការគាំទ្រពី fan ច្រើន គេចាប់ផ្តើមស្គាល់គាត់ច្រើន ដូចនេះពួកយើងត្រូវ Private ព្រោះមិនចង់ឱ្យគេដឹងថាគាត់មានគូដណ្តឹង ពីព្រោះរក្សាអោយមានកាគាំទ្រពីfanរបស់គាត់។ private រហូតដល់គេលួចទាក់ទងជាមួយអ្នកថ្មី ទាំងដែលរស់នៅក្នុងផ្ទះជាមួយខ្ញុំរាល់ថ្ងៃ។ ឈប់សម្តែងធ្វើមនុស្សល្អ ឈប់ធ្វើតួកម្សត់ ឱ្យ fan គេអាណិតស្រលាញ់ ទង្វើរបស់អូនបានបង្ហាញឱ្យគេគ្រប់គ្នាដឹងពីធាតុពិតរបស់អូនហើយ។
បងសូមផ្តាំអូន អ្វីដែរអូនធ្វើមកលើបងពេលនេះ មិនយូរទេអូននឹងទទួលផលកម្មនៅរឿងដែរអូនបានធ្វើត្រលប់មករកអូនវិញមិនខាន។ អូនមើលគេចង់បានដូចគេ ចេះចង់ បានដូចគេចុះ ចង់ល្បីដល់ថ្នាក់ក្បត់ឧត្តមគតិខ្លួនឯង ចង់ធ្វើដូចគេវាមិនបានទេមនុស្សអូន គ្មានភក្តីភាពជាមួយគ្រួសារ គ្មានភាពស្មោះត្រង់ ផ្លូវរបស់អូនដើរមិនវែងទេ។ ដូចនេះ ចាប់ពីពេលនេះតទៅបងប្អូន ឬក៏មិត្តភក្តិ ដែលស្គាល់ខ្ញុំជាមួយគាត់ ពួកយើលែងជាអ្វីនឹងគ្នាហើយ។ ប្រសិនបើជួបខ្ញុំនៅក្រៅសូមកុំសួរអ្វីដែរទាក់ទងជាមួយគាត់។ ភាពស្មោះត្រង់ គ្មានពណ៌ គ្មានក្លិនទេ ប៉ុន្តែវាអាចធ្វើឱ្យយើងក្លាយជាមនុស្សមានតម្លៃបំផុត»។
ក្រោយសារនោះត្រូវបានបង្ហោះឡើង ក៏មានការចែករំលែក និង ផ្ទុះវែកញែកនូវមតិផ្សេងៗគ្នាជាច្រើនពីសំណាក់មហាជន ហើយទន្ទឹមនឹងនោះ អ្នកគាំទ្រក៏ភ្ញាក់ផ្អើលមិនតិចនោះទេ ព្រោះកន្លងមកអ្នកគាំទ្រមិនធ្លាប់បានដឹងថា កញ្ញា ប៊ុន លីនណា មានគូដណ្ដឹងឡើយ៕
