ថ្មីៗនេះ អ្នកគាំទ្រពិតជាកើតក្តីស្លុតចិត្តមិនតិចឡើយ ក្រោយពីបានទទួលព័ត៌មានថា តារាសម្តែងស្រីវ័យក្មេង Zhao Lusi របស់ចិន បានប្រទះបញ្ហាសុខភាពធ្ងន់ធ្ងរ រហូតដល់ថ្នាក់មិនអាចក្រោកឈរ ឬដើរបាន។
តាមព័ត៌មានបានឱ្យដឹងថា Zhao Lusi បានដាច់សរសៃឈាមខួរក្បាលក្នុងកម្រិតមធ្យម តែវានៅតែបង្កឱ្យមានការប៉ះពាល់ដល់សុខភាពរបស់នាងយ៉ាងធ្ងន់ធ្ងរ ដោយនាងមិនអាចនិយាយ ក្រោកឈរ ឬដើរបានដូចធម្មតាឡើយ។ យ៉ាងណាមិញ មិត្តរបស់ Zhao Lusi បានទម្លាយឱ្យដឹងថា ពេលនេះនាងបានកំពុងសម្រាកព្យាបាលហើយ នាងកំពុងតែរៀនដើរ និង រៀននិយាយឡើងវិញ ប៉ុន្តែត្រូវចំណាយពេលយូរបន្តិច ហើយនាងក៏បានផ្តាំឱ្យប្រាប់ទៅអ្នកគាំទ្ររបស់នាងផងដែរថាកុំឱ្យបារម្ភចំពោះនាងអី។
ដោយឡែក តាមព័ត៌មានបានឱ្យដឹងទៀតថា គេចាប់អារម្មណ៍ឃើញថា Zhao Lusi មានបញ្ហាសុខភាពផ្លូវកាយ និង ផ្លូវចិត្តតាំងពីមុននាងធ្លាក់ខ្លួនឈឺមកម្ល៉េះ អាចដោយសារតែបញ្ហាការងារសម្តែងរបស់នាងមានសម្ពាធច្រើន ធ្វើឱ្យនាងមិនអាចមានពេលមើលថែរក្សាសុខភាពបានគ្រប់គ្រាន់៕
ប្រភព៖ lovekpop95
