ប្រាប់តៗគ្នាផង! ប៉ុន្មានថ្ងៃទៀតនៅភ្នំពេញ នឹងមានគ្រូពេទ្យជំនាញមកពីអាមេរិក ផ្ដល់ជូនការពិនិត្យព្យាបាល វះកាត់ភ្នែក

នៅថ្ងៃទី ១៤ ខែកុម្ភៈ ឆ្នាំ ២០២៥ មជ្ឈមណ្ឌលវះកាត់កុមារ ដែលអ្នកជំងឺហៅថាពេទ្យគៀនឃ្លាំង បានជូនដំណឹងឱ្យបានដឹងថា នឹងមានក្រុមគ្រូពេទ្យជំនាញ មកពីសហរដ្ឋអាមេរិច ផ្តល់ជូន ការពិនិត្យព្យាបាល និង វះកាត់ភ្នែកគ្រប់ប្រភេទ ចាប់ពីថ្ងៃទី ២៤ ដល់ថ្ងៃទី ២៨ ខែកុម្ភៈ ឆ្នាំ ២០២៥ ខាងមុននេះ។

ចំពោះការព្យាបាលមានដូចជា ៖

ក. ការព្យាបាលចំពោះក្មេង៖

១. ភ្នែកស្រលៀង

២. ត្របកភ្នែកធ្លាក់

ការព្យាបាលចំពោះមនុស្សចាស់ និង ក្មេង៖

១. ភ្នែកទ្បើងបាយ

២. ភ្នែកកន្ទុយថ្លែន

៣. បញ្ហាបាតភ្នែក

៤. ស្ទះរុនទឹកភ្នែក

៥. បញ្ហាភ្នែកផ្សេងៗ

ដូច្នេះហើយ សូមទៅចុះឈ្មោះដើម្បីឱ្យគ្រូពេទ្យពិនិត្យ ងាយស្រួលបែងចែកប្រភេទជំងឺរបស់អ្នក ដើម្បីជួបគ្រូពេទ្យអាមេរិកនៅថ្ងៃទី ២៤ ដល់ថ្ងៃទី ២៨ ខែកុម្ភៈខាងមុខនេះ នៅមន្ទីរពេទ្យដែលមានអាស័យដ្ឋានក្នុងមជ្ឈមណ្ឌលជាតិស្តារលទ្ធភាពពលកម្មគៀនឃ្លំាង ផ្លូវជាតិលេខ ៦ អា ភូមិគៀនឃ្លំាង ខណ្ឌជ្រោយចង្វារ រាជធានីភ្នំពេញ ធ្វើការពីច្ងៃចន្ទ ដល់ ថ្ងៃសុក្រ ម៉ោង ៨ ព្រឹកដល់ម៉ោង ៥ ល្ងាច។ ទំនាក់ទំនងលេខ/លេខតេទ្បេក្រោម៖ 012832392៕