នៅថ្ងៃទី ០២ ខែធ្នូ ឆ្នាំ ២០២៥ នេះ តាមរយៈផេក ហុងស៊ុយ របស់លោកគ្រូ ចិនសែម៉ុង ដែលជាគ្រូហុងស៊ុយបែបវិទ្យាសាស្ត្រដ៏មានប្រជាប្រិយភាព បានចែករំលែកពីវិធីសាស្ត្រក្នុងការបង្ការឆុង តាមរយៈការដំស្វាន ឬជួសជុលនានា ព្រោះបើតាមក្បួនហុងស៊ុយ ការដំស្វានបង្កសំលេងរំខាននៅទិសឆុង នឹងអាចនាំមកនូវការឆុងជាដើម។
ជាក់ស្ដែង លោកគ្រូចិនសែម៉ុង បានបញ្ជាក់ឱ្យដឹងថា បើនៅជាប់ផ្ទះ ឬ កន្លែងស្នាក់នៅរបស់អ្នក មានការជុលជុសដំស្វាន ឬ ការបង្កសំឡេងខ្លាំងៗនានា ហើយបងប្អូនខ្លាចឆុង នោះវិធីសាស្រ្ដងាយគឺ យកអំបិល ៣ គីឡូ ក្រាលលើថង់ ឬ តង់កៅស៊ូ រួចយកអង្ករ ១ បាច រាយពីលើ ហើយទុកនៅជ្រុងដែលជុលជុសនោះ រហូតដល់គេជុលជុសហើយ។
គួរឱ្យដឹងថា វិធីនេះសម្រាប់បងប្អូនដែលមានជំនឿទៅលើហុងស៊ុយបែបវិទ្យាសាស្ត្រ ដែលអាចជួយបង្ការបានមួយផ្នែកក្នុងជីវិតរស់នៅ ដោយបងប្អូនត្រូវចំណាយពេលវេលារៀបចំបន្តិចបន្តួច ប៉ុន្តែពិតជាបាននាំមកវិញនូវទំនុកចិត្ត និង អារម្មណ៍សុវត្ថិភាពក្នុងការរស់នៅ ជូនទៅដល់ក្រុមគ្រូសារ ជាមួយនឹងជំនឿដែលសមហេតុសមផល៕
