ជាការពិតណាស់ ជំងឺថប់បារម្ភ គឺជាការព្រួយបារម្មណ៍ហួសហេតុ និង មិនសមហេតុផលអំពីបញ្ហាប្រចាំថ្ងៃ ដែលអ្នកជំងឺតែងតែពិបាកក្នុងការគ្រប់គ្រងអារម្មណ៍ ឬ មានការលំបាកក្នុងការស្ងប់ស្ងាត់ ដែលមានរយៈពេលលើសពី ៦ ខែ។
ជំងឺនេះមិនមានមូលហេតុច្បាស់លាស់ទេ ខណៈកត្តាងាយប្រឈម មានដូចជា ៖
– តំណរពូជ
– បម្រែបម្រួលសារធាតុគីមីក្នុងខួរក្បាល
– ធ្លាប់ទទួលរងការប៉ះទង្គិចផ្លូវចិត្ត
– ប្រើប្រាស់សារធាតុញៀន ឬ គ្រឿងស្រវឹង
– ជំងឺផ្លូវកាយមួយចំនួន
– បរិស្ថានជុំវិញ៖ បញ្ហាគ្រួសារ បញ្ហាការងារ បញ្ហាហិរញ្ញវត្ថុ បញ្ហាការសិក្សា និង បញ្ហាទំនាក់ទំនងផ្ទាល់ខ្លួន។
ក្នុងនោះបើតាមការឱ្យដឹងពី មន្ទីរពេទ្យកាល់ម៉ែត នៅថ្ងៃទី ២៩ ខែតុលា ឆ្នាំ ២០២៥ បានបញ្ជាក់ពីរោគសញ្ញានៃជំងឺ «ថប់បារម្ភ» មានដូចជា ៖
– ថប់បារម្ភ ឆាប់ភ័យ
– ឆាប់ខឹងមួម៉ៅ
– ចុករោយពេញខ្លួន
– ល្ហិតល្ហៃ អស់កម្លាំង
– ពិបាកផ្តោតអារម្មណ៍ ឬ ឆាប់ភ្លេច
– ប៉ះពាល់ដល់ការគេង
ខាងមន្ទីរពេទ្យបានឱ្យដឹងទៀតថា ផលវិបាកប្រសិនបើមិនបានទទួលការព្យាបាលត្រឹមត្រូវ នឹងវិវត្តន៍ទៅរ៉ាំរ៉ៃ ហើយមិនអាចបញ្ចេញនូវសក្តានុពលពេញលេញ ដូចជាការប្រកបរបរ ការងារ ការសិក្សាថយចុះ។ ដូច្នេះ ប្រសិនបើមានអាការដូចបានរៀបរាប់ខាងលើ គួរតែឆាប់រួសរាន់ស្វែងរកការប្រឹក្សា និង ការព្យាបាលពីវេជ្ជបណ្ឌិតឯកទេសជំងឺផ្លូវចិត្ត នៅផ្នែកពិគ្រោះជំងឺក្រៅ នៃមន្ទីរពេទ្យកាល់ម៉ែត ដើម្បីទទួលបានការព្យាបាលកាន់តែឆាប់ និង បង្កើនឱកាសជាសះស្បើយកាន់តែលឿន៕
ប្រភព ៖ មន្ទីរពេទ្យកាល់ម៉ែត
