កាលពីថ្ងៃទី ១ ខែវិច្ឆិកា ឆ្នាំ ២០២៥ កន្លងទៅនេះ ប្រទេសកេនយ៉ាបានប្រទះករណីបាក់ដីដ៏ធ្ងន់ធ្ងរមួយ ដែលបណ្តាលឱ្យមានមនុស្សស្លាប់ដល់ទៅ ២១ នាក់ និង បាត់ខ្លួនអស់ ៣០ នាក់ទៀតនៅមិនទាន់រកឃើញ។
តាមព័ត៌មានបានឱ្យដឹងថា ហេតុការណ៍បានកើតឡើងនៅតំបន់ Chesongoch Hills នៃស្រុក Elgeyo Marakwet ភាគខាងលិចប្រទេសកេនយ៉ា ដែលតំបន់នេះត្រូវបានវាយប្រហារដោយសារភ្លៀងធ្លាក់ខ្លាំងអស់រយៈពេលជាច្រើនថ្ងៃមកហើយ។ ក្នុងនោះ មានផ្ទះជាង ១០០០ ខ្នងត្រូវបានបំផ្លាញ និងផ្លូវជាច្រើនខ្សែត្រូវបានកាត់ផ្តាច់ដោយសារគ្រោះមហន្តរាយនេះ ហើយមនុស្សចំនួន ២១ នាក់បានបាត់បង់ជីវិត ខណៈ ៣០ នាក់ទៀតបានបាត់ខ្លួន។
យ៉ាងណាមិញ ក្រុមជួយសង្គ្រោះបានបន្តស្វែងរកមនុស្សបាត់ខ្លួនទាំងដែលភ្លៀងកំពុងធ្លាក់យ៉ាងខ្លាំង ហើយឧទ្ធម្ភាគចក្ររបស់រដ្ឋាភិបាលបានដឹកមនុស្សរងរបួសធ្ងន់ធ្ងរចំនួន ៣០ នាក់ទៅកាន់មន្ទីរពេទ្យ ហើយរដ្ឋាភិបាលក៏បានតែកំពុងរៀបចំស្វែងរកតំបន់តាំងទីលំនៅថ្មីបណ្តោះអាសន្នសម្រាប់ប្រជាជនដែលរងផលប៉ះពាល់ផងដែរ៕
ប្រភព៖ euronews
