ជារឿងដ៏គួរឱ្យភ្ញាក់ និង នឹកស្មានមិនដល់ នៅថ្ងៃទី ០៦ ខែតុលា ឆ្នាំ ២០២៥ នេះ តាមរយៈសារព័ត៌មានក្នុងស្រុកបានជូនដំណឹងពីករណី មានសត្វឆ្កែចចកជាច្រើនក្បាលបានរត់ចូលក្នុងភូមិពោធិ៍ ឃុំគារ ស្រុកមោងឫស្សី ខេត្តបាត់ដំបង បានខាំមនុស្សចំនួន ៣ នាក់ បណ្តាលឱ្យរងរបួស និង បញ្ជូនទៅមន្ទីរពេទ្យដើម្បីព្យាបាល។
តាមប្រភពព័ត៌មានបានបន្តឱ្យដឹងថា យោងតាមការឱ្យដឹងពីអ្នកភូមិ បានបញ្ជាក់ថាសត្វឆ្កែចចកនេះមានច្រើនក្បាល បានបង្ហាញខ្លួនក្នុងភូមិអ្នកស្រុក ខណៈទឹកជំនន់លិចនៅតំបន់មួយចំនួន ដែលជាកន្លែងសត្វព្រៃប្រភេទនេះរស់នៅ ហើយវាបានរត់រកទីទួលសុវត្ថិភាព ប៉ុន្តែត្រូវអ្នកភូមិវាយងាប់មួយក្បាលបន្ទាប់ពីខាំមនុស្ស៕
ប្រភព ៖ CNC TV
