ថ្មីៗនេះ ផេកចែកចាយព័ត៌មានរបស់ថៃមួយ បានទម្លាយពីរឿងរ៉ាវដ៏គួរឱ្យអាសូររបស់ស្រ្តីចំណាស់ពិការភ្នែកម្នាក់ ដែលខំមើលកូនឱ្យអ្នកជិតខាងព្រោះតែក្តីអាណិត តែចុងក្រោយត្រូវគេធ្វើបាប និង លួចរបស់អស់ពីផ្ទះ។
តាមព័ត៌មានបានឱ្យដឹងថា អ្នកជិតខាងជាប្តីប្រពន្ធ បាននាំគ្នារើមកនៅក្នុងផ្ទះរបស់ស្រ្តីពិការភ្នែកខាងលើនេះ ដោយទុកកូនតូចឱ្យស្រ្តីរូបនេះមើលថែឱ្យទៀត។ ស្រ្តីចំណាស់ក៏ធ្លាប់ប្រាប់ឱ្យពួកគេទៅរកកន្លែងនៅខ្លួនឯង និង រកការងារធ្វើដែរ ហើយខ្លួនសុខចិត្តចិញ្ចឹមកូនឱ្យ ៣ ឆ្នាំទៀត តែអ្នកជិតខាងជាប្តីប្រពន្ធក៏ខឹងសម្បាគប់របស់របរដាក់ស្រ្តីរូបនេះ ថែមទាំងលួចរបស់ពីក្នុងផ្ទះទៅទៀត។
តែយ៉ាងណាក៏ដោយ ស្រ្តីចំណាស់បានឱ្យដឹងថា ខ្លួនពិតជាស្រឡាញ់នឹងអាណិតក្មេង ដែលជាកូនអ្នកជិតខាងនេះណាស់ ដោយនៅតែមើលថែរក្សាដូចជាកូនចៅបង្កើត បើទោះជាឪពុកម្តាយគេធ្វើបាបខ្លួនយ៉ាងណាក៏ដោយ៕
ប្រភព៖ อีซ้อขยี้เละ
