នៅថ្ងៃទី ២៨ ខែសីហា ឆ្នាំ ២០២៥ នេះ តាមព័ត៌មានបានឱ្យដឹងថា ខេត្តសុខោទ័យ ប្រទេសថៃ កំពុងតែរងការវាយប្រហារពីទឹកជំនន់ជាបណ្តើរៗហើយ ដែលបណ្តាលឱ្យលិចអស់ទាំងផ្លូវ វត្ត និង ផ្ទះសម្បែងរបស់ប្រជាជន។
តាមព័ត៌មានបានឱ្យដឹងថា ទឹកជំនន់កំពុងតែវាយសម្រុកខ្លាំងនៅស្រុកមឿង ខេត្តសុខោទ័យ ព្រោះតែទឹកទន្លេយ៉ម មានការឡើងខ្ពស់ខុសពីធម្មតា បណ្តាលឱ្យមានចរន្តទឹកហូរខ្លាំង ហើយក៏ជន់លិចស្រុកមឿងតែម្តង។ មកទល់ពេលនេះ វត្តមួយចំនួននៅក្នុងស្រុកកំពុងស្ថិតនៅក្នុងការជន់លិចដោយទឹកជំនន់ រួមទាំងផ្ទះប្រជាជនជាច្រើនខ្នង ក៏ដូចជាផ្លូវធ្វើដំណើរផងដែរ។
យ៉ាងណាមិញ អាជ្ញាធរកំពុងតែពន្លឿនការរំដោះទឹកចេញទៅតាមទំនប់ទឹកបានហាតសៈផានចាន់ ចំណែកឯក្រុមអ្នកជួយសង្រ្គោះ ក៏កំពុងតែជួយជម្លៀសប្រជាជនទៅរកទីកន្លែងសុវត្ថិភាពផងដែរ៕
ប្រភព៖ Khaosod
