ទិដ្ឋភាពដ៏ក្ដុកក្ដួលរបស់សាច់ញាតិស-ពដែលស្ល-ា.ប់ក្នុងហេតុការណ៍ធ្លាក់យន្តហោះនៅកូរ៉េ នាំគ្នាទ្រហោយំពេញព្រលានគួរឱ្យខ្លោចចិត្តបំផុត

កាលពីថ្ងៃទី ២៩ ខែធ្នូ ឆ្នាំ ២០២៤ កន្លងទៅនេះ ប្រទេសកូរ៉េខាងត្បូងបានប្រទះហេតុការណ៍ដ៏គួរឱ្យរន្ធត់មិននឹកស្មាន ដោយមានយន្តហោះដឹកអ្នកដំណើររបស់ជើងហោះហើរ Jeju Air បានផ្ទុះឆេះខណៈពេលចុះចត បណ្តាលឱ្យមានមនុស្សស្លាប់ ១៧៩ នាក់ ក្នុងចំណោមអ្នកនៅលើយន្តហោះសរុប ១៨១ នាក់។

តាមព័ត៌មានបានឱ្យដឹងថា ជើងហោះហើរមួយនេះ បានត្រឡប់មកពីទីក្រុងបាំងកក ឆ្ពោះទៅចុះចតនៅព្រលានយន្តហោះ Muan ប្រទេសកូរ៉េខាងត្បូង ប៉ុន្តែសំណាងមិនល្អក៏មានការផ្ទុះឆេះ និង ផ្តាច់ជីវិតអ្នកដំណើរជាមុន។ យ៉ាងណាមិញ ព័ត៌មាននៃឧបទ្ទវហេតុនេះ ពិតជាធ្វើឱ្យមហាជនមានការតក់ស្លុត និង ក្តុកក្តួលណាស់ ជាពិសេសក្រោយពីបានឃើញទិដ្ឋភាពរបស់សាច់ញាតិជនរងគ្រោះទាំងប្រុសទាំងស្រី បាននាំគ្នាមកទ្រហោយំសោកបោកខ្លួន និង សម្រក់ទឹកភ្នែកយ៉ាងក្រៀមក្រំនៅឯព្រលានយន្តហោះ។

ដោយឡែក មហាជនអ្នកនៅតាមបណ្តាញសង្គមជុំវិញពិភពលោក បានចូលរួមរំលែកទុក្ខយ៉ាងអស់ពីចិត្តទៅកាន់ប្រទេសកូរ៉េខាងត្បូងចំពោះហេតុការណ៍ដ៏អាក្រក់មួយនេះ និង បន់ស្រន់សូមឱ្យកុំមានហេតុការណ៍បែបនេះកើតឡើងទៅលើប្រទេសផ្សេងទៀតផងដែរ៕

ប្រភព៖ BBC