សារព័ត៌មានវៀតណាម VN Express បានចេញផ្សាយថា នៅព្រឹកថ្ងៃទី ៣១ ខែមីនា ឆ្នាំ ២០២៥ នេះ សង្កាត់ Kon Plong ខេត្ត Kon Tum ដែលមានព្រំប្រទល់ជាប់ខេត្តរតនគីរីរបស់កម្ពុជាយើង បានរងការរញ្ជួយដីចំនួន ៣ ដងជាប់ៗគ្នា ប៉ុន្តែមិនមានបង្កឱ្យរងការខូចខាតអ្វីនោះឡើយ នេះបើតាមការបញ្ជាក់ពីមជ្ឈមណ្ឌលព្រមានពីរលកយក្សស៊ូណាមិ។
គ្រោះរញ្ជួយដីលើកដំបូងកើតមានឡើងនៅម៉ោង ៤ និង ០៨ នាទីព្រឹកក្នុងកម្រិត ៣.១ រ៉ិចទ័រ ដោយ ២ នាទីក្រោយមកក៏មានការរញ្ជួយកើតឡើងទៀតក្នុងកម្រិត ៣.០ រ៉ិចទ័រ និង ការរញ្ជួយដីចុងក្រោយកើតឡើងនៅម៉ោង ៤ និង ៤៦ នាទីព្រឹកក្នុងកម្រិត ២.៦ រ៉ិចទ័រ។ គ្រោះរញ្ជួយដីទាំង ៣ នេះដែរគឺវាយប្រហារក្នុងជម្រៅប្រមាណ ៨.១ គីឡូម៉ែត្រ៕
ប្រភព៖ VN Express
