ពិតជារឿងមួយ ដែលធ្វើឱ្យមហាជនអ្នកគាំទ្រនាំគ្នាតក់ស្លុតចុងឆ្នាំ ២០២៤ កន្លងទៅ ក្រោយពីតារាស្រី Zhao Lusi បានធ្លាក់ខ្លួនឈឺយ៉ាងធ្ងន់ធ្ងរ ដល់ថ្នាក់បណ្តាលឱ្យនាងបាត់បង់សមត្ថភាពក្នុងការដើរ និង និយាយ។
យ៉ាងណាមិញ តាមព័ត៌មានបានឱ្យដឹងថា Zhao Lusi ត្រូវបានគេបញ្ជូនទៅព្យាបាលនៅមន្ទីរពេទ្យតាំងពីថ្ងៃទី ១៨ ខែធ្នូ ឆ្នាំ ២០២៤ កន្លងទៅម្ល៉េះ ហើយមកទល់ដើមឆ្នាំ ២០២៥ នេះ នាងក៏បានធូរស្បើយបណ្តើរៗហើយ ព្រោះតែមានការយកចិត្តទុកដាក់យ៉ាងខ្លាំងពីសំណាក់មិត្តភក្តិ និង គ្រួសារបន្ថែមទៀត។ តាមវីដេអូជាច្រើននៅតាមបណ្តាញសង្គម បានបង្ហាញឱ្យឃើញថា Zhao Lusi ស្ថិតក្នុងសភាពស្គមស្គាំង និង ស្លេកស្លាំងជាខ្លាំង ប៉ុន្តែនាងក៏បានព្យាយាមរៀនដើរ និង រៀនបញ្ចេញសកម្មភាពរាងកាយមួយចំនួនឡើងវិញ ហើយជាពិសេសនោះ គឺនាងហាក់មានភាពរីករាយនៅលើផ្ទៃមុខវិញហើយ។
ដោយឡែក ក្រោយពីឃើញបែបនេះហើយ មហាជនអ្នកគាំទ្រក៏ហាក់ធូរស្បើយក្នុងចិត្ត និង សប្បាយរីករាយឡើងវិញ ហើយពួកគេក៏បានជូនពរឱ្យ Zhao Lusi ឆាប់ជាសះស្បើយទាំងផ្លូវកាយ និង ផ្លូវចិត្តផងដែរ៕
សូមចុចទីនេះដើម្បីទស្សនាវីដេអូ៖
ប្រភព៖ Sanook
