នៅព្រឹកថ្ងៃទី ០៨ ខែមករា ឆ្នាំ ២០២៥ នេះ ពិធីបូជាសពរបស់តារាចម្រៀងរ៉េបល្បីឈ្មោះ RuthKo បាន និង កំពុងរៀបចំតាមប្រពៃណីហើយ ដោយបន្សល់ទុកនូវក្តីសោកសង្រេងយ៉ាងខ្លាំងដល់ក្រុមគ្រួសារ មិត្តភក្តិ និង អ្នកគាំទ្ររបស់លោកជាច្រើន។
ក្នុងនោះ ពិធីបូជាសពរបស់ Coach កម្មវិធី Rapper Fighter រូបនេះ ត្រូវបានញាតិមិត្តជិតឆ្ងាយ និង មិត្តភក្តិជាច្រើនបានទៅជូនដំណើរ និង ជួបមុខលោក RuthKo ជាលើកចុងក្រោយ មុននឹងរូបរាងកាយរបស់លោករលាយទៅតាមភ្លើងបាត់ពីពិភពលោកនេះជារៀងរហូត។
ដោយឡែក ងាកមកតារាចម្រៀងរ៉េប KingChi ដែលជាមនុស្សជិតដិត និង ជាបងប្អូនល្អរបស់ RuthKo បានបង្ហោះសារសោកសៅមួយ ធ្វើឱ្យមហាជនអានហើយអួលដើម-កយ៉ាងខ្លាំង ដោយលោកបានលាទៅលោក Ruthko ថា៖«ទទួលយកមិនបានក៏ត្រូវតែទទួល! ការងារ ដែលនៅសល់ទុកបងអ្នកបង្ហើយ។ លាហើយប្អូនប្រុសជាទីស្រលាញ់របស់បង RuthKo»៕
