ថ្មីៗនេះ មានករណីដ៏គួរឱ្យហួសចិត្តមួយនៅប្រទេសថៃ ដែលស្រ្តីម្នាក់មិនដឹងថាខ្លួនឯងពោះធំ ចូលបន្ទប់ទឹកសុខៗស្រាប់តែកើតកូនមកដោយមិនដឹងខ្លួន កូនធ្លាក់ក្បាលចូលចានបង្គន់ ផ្អើលអស់គេឯងទៅជួយ។
តាមព័ត៌មានបានឱ្យដឹងថា ករណីនេះបានកើតឡើងនៅក្នុងខេត្តឈុនបុរី ដោយស្រ្តីខាងលើមានវ័យ ៣៦ ឆ្នាំ ជាជនជាតិមីយ៉ាន់ម៉ា។ គេបានប្រទះឃើញនាងនៅឈរទប់ជញ្ជាំងក្នុងបន្ទប់ទឹក ដោយមានទងសុកនៅជាប់ជាមួយទារកភេទស្រីម្នាក់ ដែលកំពុងធ្លាក់នៅក្នុងចានបង្គន់។
អ្នកដែលបានប្រទះឃើញនាង ក៏បានប្រញាប់ហៅអ្នកសង្រ្គោះមកជួយ ដែលអ្នកសង្រ្គោះក៏បានមកជួយកាត់ទងសុក ហើយបានបញ្ជូនទាំងម្តាយ និង កូនទៅកាន់មន្ទីរពេទ្យ។ មកទល់ពេលនេះ ទាំងម្តាយ និង កូនមានសុវត្ថិភាពទាំងគូ តែម្តាយបានប្រាប់ឱ្យដឹងថា នាងមិនដឹងថាខ្លួនឯងពោះធំឡើយ ដោយសុខៗគ្រាន់តែចូលបន្ទប់ទឹក កូនក៏កើតមកតែម្តង៕
ប្រភព៖ Khoasod
