នៅថ្ងៃទី ៣១ ខែធ្នូ ឆ្នាំ ២០២៤ នេះ នៅរាជធានីភ្នំពេញ មានរៀបចំព្រឹត្តិការណ៍ «សាទរកម្ពុជា» ជាព្រឹត្តិការណ៍ដែលមានក្បួនដង្ហែដ៏ធំពុំធ្លាប់មាន មានល្បែងកម្សាន្តសប្បាយៗជាច្រើនកន្លែង ការសម្តែងសិល្បៈចម្រុះពីសិល្បករល្បីៗជាច្រើន ការតុបតែងលម្អស្អាតៗ រួមជាមួយនឹងការបាញ់កាំជ្រួចរាប់ថយក្រោយឆ្លងឆ្នាំសកល ២០២៤ ចូលទៅកាន់ ២០២៥ នៅទីតាំងបណ្តោយសួនច្បារមុខព្រះបរមរាជវាំង និង មហាវិថីព្រះស៊ីសុវត្ថិ ចាប់ពីវេលាម៉ោង ៣:០០ រសៀល រហូតដល់ម៉ោង ១:០០ ទាបភ្លឺ។
ព្រឹត្តិការណ៍ «សាទរកម្ពុជា» នេះផងដែរ មានរៀបចំកម្មវិធីជា ៣ ផ្នែក ដែលមានកម្មវិធីកម្សាន្ត ក្បួនដង្ហែសាទរកម្ពុជា និង ការសម្ដែងសិល្បៈទស្សនីយភាពចម្រុះ ដែលមានគ្រោងទៅតាមពេលវេលាដូចតទៅ ៖
១. កម្មវិធីកម្សាន្ត ចាប់ពីម៉ោង ៣:០០ នាទី ដល់ម៉ោង ១០:០០ យប់
២. ក្បួនដង្ហែសាទរកម្ពុជា ចាប់ពីម៉ោង ៥:៣០ នាទី ដល់ម៉ោង ០៨:០០ យប់
៣. ការសម្ដែងសិល្បៈទស្សនីយភាពចម្រុះ ចាប់ពីម៉ោង ៨:០០ នាទី ដល់ម៉ោង ០១:០០ ទៀបភ្លឺ៕
