មកដល់ពេលនេះ បវរកញ្ញាដ៏មានប្រជាប្រិយភាព ចន សុទីម៉ា Miss Universe Cambodia 2023 នៅតែជាបវរកញ្ញាមានសក្កានុពលក្នុងចិត្តមហាជនអ្នកគាំទ្រដដែល ដោយអ្នកគាំទ្រនៅតែចូលចិត្តតាមដានពីសកម្មភាពរបស់នាងមិនថាចូលរួមកម្មវិធីផ្សេងៗ ឬសកម្មភាពលើបណ្ដាញសង្គមនោះទេ។
បើក្រឡេកមើលបណ្ដាញសង្គមរបស់បវរកញ្ញារូបនេះ ពីមួយថ្ងៃទៅមួយថ្ងៃ នាងតែងឆក់បានការចាប់អារម្មណ៍ពីមហាជនអ្នកគាំទ្រជាមួយនឹងសកម្មភាពថ្មីៗ ក៏ដូចជាស្ទីលថតរូបថ្មីប្លែកៗយ៉ាងទាក់ទាញបង្ហោះលើហ្វេសប៊ុក។
ដោយឡែក ថ្មីៗកន្លងទៅនេះ អ្វីកាន់តែចាប់អារម្មណ៍ ក្រោយស្ងាត់ការងារពាក់ព័ន្ធនឹងវិស័យបវរកញ្ញាមួយរយៈ ចន សុទីម៉ា បានធ្វើឱ្យមហាជនអ្នកគាំទ្រចាប់អារម្មណ៍ខ្លាំងដែលត្រៀមចាំមើលស្នាដៃថ្មីរបស់នាង ខណៈប្រកាសក្នុងកិច្ចសម្ភាសមួយថា នាងកំពុងប្រឡូកចូលក្នុងវិស័យសម្ដែងជាលើកដំបូង គ្រាន់តែមិនទាន់បង្ហើបច្បាស់ពីភាពយន្តនោះឡើយ។
ខណៈក្ដោបបានឱកាសសម្ដែងភាពយន្តជាលើកដំបូងនេះដែរ កញ្ញា ចន សុទីម៉ា ក៏បានបង្ហាញនូវអារម្មណ៍ពិតរបស់នាង ដោយហាក់ភ័យអរៗ ព្រោះតែជាបទពិសោធថ្មីលើកដំបូងបំផុតសម្រាប់នាង ដែលមិនទាន់ហ៊ានរំពឹងថានឹងធ្វើបានល្អទទួលការគាំទ្រពីមហាជនឬយ៉ាងណា៕
សូមចុចទីនេះដើម្បីទស្សនាវីដេអូ៖
