នៅថ្ងៃទី ៨ ខែធ្នូ ឆ្នាំ ២០២៤ កន្លងទៅ ប៉ូលិសថៃបានចុះទៅបង្រ្កាបកម្មវិធីជប់លៀងបែប Gay មួយ ដែលមានមនុស្សចូលរួមរហូតដល់ជាង ១០០ នាក់ មានពាក់ព័ន្ធជាមួយគ្រឿងញៀន ក្នុងនោះគេឃើញមានតារាសម្តែង គ្រូពេទ្យ និង សាស្រ្តាចារ្យល្បីៗថែមទៀត។
តាមព័ត៌មានបានឱ្យដឹងថា កម្មវិធីជប់លៀងនេះបានធ្វើឡើងនៅក្នុងបន្ទប់សណ្ឋាគារមួយកន្លែង នាតំបន់ Watthana ទីក្រុងបាងកក។ ប៉ូលិសបានចុះទៅត្រួតពិនិត្យក៏ឃើញថា អ្នកចូលរួមទាំងអស់ភាគច្រើនសុទ្ធតែជាមនុស្សប្រុស មានទាំងជនជាតិថៃផង និង ជនជាតិបរទេសផង សរុបចំនួន ១២៤ នាក់។ ក្នុងនោះ ប៉ូលិសបានចោទប្រកាន់ទៅលើមនុស្ស ៣១ នាក់ ក្នុងករណីមានថ្នាំញៀននៅនឹងខ្លួន ៦៦ នាក់ទៀតក្នុងករណីប្រើប្រាស់គ្រឿងញៀន។ ចំណែក ២៧ នាក់ផ្សេងទៀត មិនត្រូវរកឃើញថាបានពាក់ព័ន្ធជាមួយនឹងគ្រឿងញៀនឡើយ។
យ៉ាងណាមិញ ប៉ូលិសបានបញ្ជូនអ្នកប្រើប្រាស់គ្រឿងញៀនទៅព្យាបាល ចំណែកអ្នកដែលមានផ្ទុកគ្រឿងញៀននៅនឹងខ្លួនក៏ត្រូវបានបញ្ជូនទៅឃុំបណ្តោះអាសន្នតាមផ្លូវច្បាប់។ ចំពោះអ្នកមិនពាក់ព័ន្ធក៏ត្រូវបានប៉ូលិសកត់ប្រវត្តិទុក ទើបដោះលែងទៅវិញ។ ដោយឡែក តាមព័ត៌មានបានឱ្យដឹងថា អ្នកដែលត្រូវឃុំខ្លួននេះគឺសុទ្ធតែជាតារាសម្តែង បុគ្គលិកធ្វើការនៅគ្លីនិកកែសម្ផស្ស សាស្រ្តចា និង គ្រូពេទ្យទៀតផង៕
ប្រភព៖ Khaosod
