អ្នកគាំទ្រតារាស្រី ឌី សូនិត្តា ច្បាស់ជាបានជ្រាបហើយ កាលពី ៥ ឆ្នាំ មុន អ្នកនាង បានប្រកាសដំណឹងត្រៀមឆ្លងទន្លេយ៉ាងភ្ញាក់ផ្អើលបន្ទាប់ពីសំងំពពោះ ៩ ខែ ១០ ថ្ងៃ។ ក្នុងនោះដែរ ក្រោយការប្រកាសបានប៉ុន្មានថ្ងៃ អ្នកនាង ឌី សូនិត្តា ក៏សម្រាលបានកូនស្រីដ៏ស្រស់សោភា និង ដាក់ឈ្មោះឱ្យនាងតូចយ៉ាងពីរោះថា និត្តា ម៉ីហាណា ហៅអូន Smile។
ក្នុងនោះក្រោយកូនស្រី បានឃើញពន្លឺព្រះអាទិត្យហើយនោះ អ្នកនាង ឌី សូន្តិតា និង កូនស្រី ក៏កាន់តែទទួលបានការស្រឡាញ់គាំទ្រខ្លាំងឡើងពីសំណាក់មហាជន ខណៈកូនស្រីក៏ឆ្លាត រីឯអ្នកម្តាយក៏ពូកែក្នុងនាមជា Single Mom។
យ៉ាងណាមិញ ធ្មេចបើកៗរយៈពេល ៥ ឆ្នាំ បានកន្លងផុតទៅ នៅថ្ងៃទី ៣១ ខែតុលា ឆ្នាំ ២០២៥ នេះ អូន Smile កូនស្រីរបស់អ្នកនាង ឌី សូន្តិតា មានវ័យ ៥ ឆ្នាំហើយ។ ក្នុងនោះដែរ មុនថ្ងៃកំណើតមួយថ្ងៃ អូន Smile ក៏បានបង្ហាញរូបភាពដ៏ស្រស់ស្អាត ដើម្បីអបអរសាទរថ្ងៃកំណើត ដោយមានការចូលរួមជូនពរជាច្រើនពីអ្នកគាំទ្រ៕
