មហាជនអ្នកគាំទ្ររបស់តារាចម្រៀងស្រី ពេជ្រ សូលីកា ច្បាស់ជាបានជ្រាបហើយពីប្អូនស្រីតែម្នាក់របស់នាង មានឈ្មោះថា ម៉ី ជីង មកដល់ពេលនេះ នាងកាន់តែធំពេញរូបពេញរាងសម្រស់ស្រស់ស្អាតមិនចាញ់បងស្រីឡើយ។
លើសពីនេះ កន្លងមក ម៉ី ជីង ក៏តែងទទួលបានការចាប់អារម្មណ៍សរសើរពីមហាជនចំពោះសមត្ថភាព ទេពកោសល្យរបស់នាងលើសិល្បៈ ពូកែផ្នែករាំ និង មានដុងអាចច្រៀងបានយ៉ាងពីរោះ ដែលបានចេញចម្រៀងរួមគ្នាជាមួយបងស្រី ពេជ្រ សូលីកា ថែមទាំងបង្ហាញខ្លួនលើឆាកប្រគំតន្រ្តីផ្សេងៗទៀតផង។
យ៉ាងណាមិញ ថ្មីៗកន្លងទៅនេះ ម៉ី ជីង បានឈានចូលវ័យ ១៥ ឆ្នាំហើយ ឃើញថារូបសម្រស់កាន់តែស្អាត សមត្ថភាពក៏កាន់តែពូកែ បើតាមរយៈការរៀបរាប់របស់អ្នកនាង ពេជ្រ សូលីកា ជូនពរប្អូនស្រីក្នុងថ្ងៃកំណើតឆ្នាំនេះ ក៏បានឱ្យដឹងថា ម៉ី ជីង មានក្ដីស្រមៃដ៏ធំមួយ ដែលនាងកំពុងត្រៀមខ្លួនឈោងចាប់ក្ដីស្រមៃចង់ក្លាយជាតារាចម្រៀង K-pop ដ៏ល្បីម្នាក់ថ្ងៃអនាគត៕
