ទីបំផុតកម្មវិធី Miss Universe Cambodia 2025 បានប្រកាសនូវបេក្ខភាពផ្លូវការទាំង ២០ រូប ដោយក្នុងនោះ មានទាំងបវរកញ្ញាមានបទពិសោធក្នុងវិស័យនេះ និង មានអ្នកជំនាន់ថ្មីជាច្រើនដូចគ្នាដែរ។
ដោយឡែក ក្នុងចំណោមបេក្ខភាពទាំង ២០ រូប អ្នកគាំទ្រវិស័យបវរកញ្ញា ក៏បានចាប់អារម្មណ៍ដល់កញ្ញា វុធ ធីដាវីន លំដាប់រងទី ១ Miss Grand Cambodia 2020 ក៏មានវត្តមានក្នុងការប្រកួត Miss Universe Cambodia 2025 នេះដែរ ក្រោយពីផ្អាកលើការប្រកួតអស់រយៈពេលជិត ៥ ឆ្នាំ។
ក្នុងនោះ ការវិលត្រឡប់មកលើកនេះដែរ កញ្ញា វុធ ធីដាវីន ក៏បានបង្ហាញឆន្ទៈរបស់ខ្លួនលើគណនីហ្វេសប៊ុក ដោយបង្ហោះជាភាសាអង់គ្លេសថា៖ «ទំនុកចិត្តអនុញ្ញាតឱ្យយើងធ្វើរឿង ដែលអ្នកដទៃគិតថាយើងធ្វើមិនបាន»។ ងាកមកកាន់អ្នកគាំទ្រឯណោះវិញ ក៏បានបង្ហាញក្តីរីករាយ និង ជូនពរដល់ កញ្ញា វុធ ធីដាវីន ឱ្យជួបតែជោគជ័យនៃដំណើរការប្រកួត និង ការវិលត្រឡប់មកកាន់វិស័យបវរកញ្ញានេះវិញផងដែរ៕
