នៅថ្ងៃទី ២៨ ខែសីហា ឆ្នាំ ២០២៥ នេះ ជាថ្ងៃដំបូងនៃការប្រឡងសញ្ញាបត្រមធ្យមសិក្សាទុតិយភូមិ ដោយក្នុងនោះ គេបានសង្កេតឃើញថា បេក្ខជនប្រឡងទាំងអស់បានរៀបចំខ្លួនរួចជាស្រេចក្នុងបេសកកម្មនាពេលនេះ ទៅតាមមណ្ឌលប្រឡងរៀងៗខ្លួន។
លើសពីនោះ ក្រឡេកទៅកាន់មហាជនតាមបណ្តាញសង្គមនានាជាច្រើន បានបង្ហោះពាក្យជូនពរ លើកទឹកចិត្តដល់សិស្សានុសិស្ស ដែលជាបេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា ២០២៥ នេះ ឱ្យទទួលបានជោគជ័យផងដែរ។
ងាកទៅកាន់ពិធីករវ័យក្មេង លោក ដេវិដ ឯណោះវិញ នៅព្រឹកថ្ងៃដំបូងនៃការប្រឡងសញ្ញាបត្រមធ្យមសិក្សាទុតិយភូមិនេះ លោកក៏បានបង្ហោះរូបភាពរំឭកអនុស្សាវរីយ៍របស់ខ្លួន កាលសម័យប្រឡងឆ្នាំ ២០១៧ អំឡុងរៀននៅឯវិទ្យាល័យព្រះស៊ីសុវត្ថិ ដែលពោរពេញដោយស្នាមញញឹម និង មិត្តភាពដ៏ចងចាំនាពេលនោះ។
លើសពីនោះ ក្រៅពីរំឭកអនុស្សាវរីយ៍របស់ខ្លួន លោក ដេវិដ ក៏បានភ្ជាប់នូវសារជូនពរដល់សិស្សប្អូន ប្រឡងនៅឆ្នាំនេះថា៖ «ត្រលប់ទៅ ២០១៧ ឆ្នាំប្រលង ដែលមានអនុស្សាវរីយ៍ល្អៗជាច្រេីន! នឹកមិត្តភក្តិ នឹកលោកគ្រូអ្នកគ្រូ នឹកសាលាព្រះសុីសុវត្ថិ។ ជូនពរប្អូនៗប្រលងទី ១២ ទាំងអស់ ធ្វេីឱ្យបានច្រេីន បាននិទ្ទេសល្អគ្រប់ៗគ្នា»៕
