អត្ថបទដោយ៖ ហ៊ុយ ក្រេង – ឧសភា ៣០ ២០២៥ ៖ របាយការណ៍កម្រិតបរិញ្ញាបត្រជាន់ខ្ពស់ ត្រូវបានចារហត្ថលេខាទទួលដោយ បណ្ឌិត កុល សារូ ក្រោមប្រធានបទចំណងជើង ការផ្តល់សេវាអត្រានុកូលដ្ឋាន ហើយបោះពុម្ពរួចជាស្ថាពរនៅឆ្នាំ ២០២៥។
ការសរសេររបាយការណ៍ស្រាវជ្រាវបែបវិទ្យាសាស្ត្រ គឺជាផ្នែកធំមួយដែលនិស្សិត គួរតែយកចិត្តទុកដាក់ក្នុងការស្វែងរកប្រភពឯកសារ ឬ របាយការណ៍ស្រាវជ្រាវថ្មីៗដើម្បីអាន និង សិក្សាបន្ថែមលើប្រធានបទរបស់ខ្លួនក្នុងការចាប់ផ្តើមសរសេរ។
តើមានបទពិសោធអ្វីខ្លះដែលទទួលបានលទ្ធផលមុនពេលស្រាវជ្រាវ? បទពិសោធដែលអ្នកស្រាវជ្រាវដទៃទៀតគប្បីយល់ក្នុងការចាប់ផ្តើមសរសេររបាយការណ៍ស្រាវជ្រាវមួយបញ្ចប់បានគឺ ៖ ប្រធានបទស្រាវជ្រាវ ពេលវេលា ទីកន្លែង លិខិតអន្តរាគមន៍ចុះកម្មសិក្សា ការទំនាក់ទំនងល្អ កម្រងសំណួរស្រាវជ្រាវ ប្រភពទិន្នន័យដើម កំណត់ត្រាសរសេរ អំណះអំណាង ការរៀបចំរចនាការសរសេរឡើង និងបញ្ចប់។
ចំណុចសំខាន់ដូចជា ៖ ថវិកាសម្រាប់ត្រៀមលើឯកសារស្រាវជ្រាវ ការទំនាក់ទំនង កំណត់ និង សម្រង់លើប្រភពឯកសារនានា រៀបចំការប្រើពាក្យ ឃ្លា និង យល់ដឹងពីកម្រិតឯកសារច្បាប់ជាច្រើន ដើម្បីទទួលបានអំណះអំណាងឱ្យកាន់តែរឹងមាំ និង ថ្មីមួយទៀត។
លោក ហ៊ុយ ក្រេង មានគតិបណ្ឌិតថ្មី «សង្គមមិនអាចចោលអ្នកទេ ឱ្យតែអ្នកខិតខំឈ្វេងយល់ខ្ពង់ខ្ពស់»។ ចំណេះដឹងជាខ្នងសេដ្ឋកិច្ច របស់ប្រទេសជាតិ។ ប្រទេសរីកចម្រើនបាន គឺសម្បូរដោយប្រជាពលរដ្ឋមានចំណេះដឹងនៅគ្រប់តំបន់នៃប្រទេសនោះ។
ការស្រាវជ្រាវពិតស្ថិតនៅលើការខិតខំ និង ទំនាក់ទំនងល្អជាមួយសាស្ត្រាចារ្យណែនាំ។ ការអត់ធ្មត់ យកចិត្តទុកដាក់លើការប្រមូលទិន្នន័យចម្បង និង ផ្ទៀងផ្ទាត់អាចទាញលទ្ធផលសម្រេចបានយ៉ាងល្អ និង ធ្វើជាប្រភពនៃការស្រាវជ្រាវ។
និស្សិត គរុនិស្សិត និង គរុសិស្ស ទាំងអស់ដែលចង់ដឹងពីរបៀបរៀបចំឯកសាររបាយការណ៍ស្រាវជ្រាវ ទៅរកស្នាដៃស្រាវជ្រាវបែបវិទ្យាសាស្ត្ររបស់ខ្ញុំនៅតាមទីតាំងមួយចំនួនដែលបានដាក់តម្កល់ជាឯកសារនៅ ក្រសួងការងារ និង បណ្តុះបណ្តាលវិជ្ជាជីវៈ វិទ្យាស្ថានខ្មែរជំនាន់ថ្មី បណ្ណាល័យសហសិក្សា របស់ក្រសួងអប់រំជាតិ នៅពេលខាងមុខដោយឥតគិតថ្លៃ។
ខ្ញុំសូមសម្តែងការគួរសមចំពោះការសម្រេចបាន និង លាតត្រដាងពីបទពិសោធដល់មហាជនដែលជាអ្នកចូលចិត្តការសិក្សាដូចរូបខ្ញុំ ឱ្យខិតខំធ្វើយ៉ាងណានាំយកបទពិសោធចំណេះដឹងដែលខ្លួនបានសិក្សា មកចូលរួមចែករំលែក និង លើកវប្បធម៌ចំណេះដឹងនេះឱ្យកាន់តែស៊ីជម្រៅ និង មានវិជ្ជាជីវៈខ្ពស់ ដែលធានាបាននូវប្រសិទ្ធភាពអប់រំកម្រិតខ្ពស់ហើយមានស្តង់ដារកម្រិតអន្តរជាតិផងដែរ៕
អត្ថបទដោយ ៖ ហ៊ុយ ក្រេង
