គម្រប់អាយុ ២៥ ឆ្នាំ សុខ សារ៉ាវីតា បង្ហោះរូបប៉ុន្មានសន្លឹកអបអរថ្ងៃកំណើត អ្នកគាំទ្រឃើញហើយភ្លឹកស្មារតី

មហាជននិយមតាមដានតារាចម្រៀងកំពុងមានប្រជាប្រិយភាព កញ្ញា សុខ សារ៉ាវីតា ច្បាស់ជាបានជ្រាបមកហើយថា មុននឹងបោះជំហានចូលក្នុងការប្រកួតកម្មវិធី The Voice Cambodia រដូវកាលទី ៣ កាលពីពេលកន្លងទៅ នាងក៏ជាតារាចម្រៀងមួយរូបរួចហើយដែរ។

លើសពីនោះ អ្វីដែលគួរឱ្យចាប់អារម្មណ៍ កញ្ញា សុខ សារ៉ាវីតា បានចាប់កំណើតឡើងក្នុងគ្រួសារមានឈាមជ័រជាអ្នកសិល្បៈស្រាប់ ដោយលោកឪពុកឈ្មោះ សុខ សារិន ជាតន្ត្រីករជើងចាស់ និង អ្នកម្តាយឈ្មោះ រ៉ុន សារ៉េត ជាអ្នកចម្រៀងពីដើមដូចគ្នា។ យ៉ាងណាមិញ លោកឪពុករបស់កញ្ញា សុខ សារ៉ាវីតា ក៏បានទទួលមរណភាពហើយ ខណៈអ្នកម្តាយក៏បានបញ្ចប់អាជីពលើវិថីសិល្បៈជាយូរឆ្នាំហើយដែរ។

ជាការពិតណាស់ ព្រោះតែសមត្ថភាពលើវិស័យចម្រៀង កញ្ញា សារ៉ា វីតា ហាក់មានទីផ្សារកាន់តែខ្លាំងឡើងៗជារៀងរាល់ថ្ងៃ បើទោះជានាងមិនមែនជាម្ចាស់ជ័យលាភីក្នុងកម្មវិធី The Voice Cambodia រដូវកាលទី ៣ ក៏ដោយ។

បើនិយាយពីសម្រស់វិញ មួយរយៈចុងក្រោយនេះអ្នកគាំទ្រសង្កេតមើលទៅតារាចម្រៀងស្រីរូបនេះ កាន់តែប្លែកទៅៗមើលសឹងតែមើលមិនស្គាល់ ពោលគឺពីមួយឆ្នាំទៅមួយឆ្នាំ នាងកាន់តែក្មេងជាងវ័យ។ ជាក់ស្តែង នៅថ្ងៃទី ១៩ ខែវិច្ឆិកា ឆ្នាំ ២០២៤ ជាថ្ងៃកំណើតគម្រប់អាយុ ២៥ ឆ្នាំ កញ្ញា សុខ សារ៉ាវីតា បានបង្ហោះរូប ៣ សន្លឹកអបអរថ្ងៃពិសេសរបស់ខ្លួនមើលទៅកាន់តែប្លែកជាងមុនៗទៅទៀត៕