គន់មិនជិនណាយ! ទិដ្ឋភាពថ្ងៃទី ២ នៃពិធីមង្គលរបស់ព្រះអង្គម្ចាស់ក្សត្រិយ៍ នរោត្តម ពង្ស់សូរិយា និង ព្រះសា្វមី ឈុតនីមួយៗសម្រិតសម្រាំងច្នៃចេញពីទឹកដៃជាងចំណានយ៉ាងប្រណីត

បន្ទាប់ពីរៀបចំព្រះពិធីអាវាហវិវាហមង្គលក្នុងព្រះបរមរាជវាំងចតុមុខមង្គល មកដល់ថ្ងៃទី ២៧ ខែវិច្ឆិកា ឆ្នាំ ២០២៥ នេះ ជាថ្ងៃទី ២ នៃកម្មពិធីសិរីសួស្ដីអាវាហវិវាហមង្គលរបស់ ព្រះអង្គម្ចាស់ក្សត្រិយ៍ នរោត្តម ពង្ស់សូរិយា និង ព្រះសា្វមី អ៊ឹង ស៊ីវឈន់ ដែលបានបន្តមករៀបចំឡើងនៅគេហដ្ឋាន។

ចំពោះទិដ្ឋភាពនៃព្រះពិធីអាវាហវិវាហមង្គលរបស់ព្រះអង្គម្ចាស់ក្សត្រិយ៍ នរោត្តម ពង្ស់សូរិយា និង ព្រះសា្វមី អ៊ឹង ស៊ីវឈន់ នាព្រឹកថ្ងៃទី ២៧ ខែវិច្ឆិកា ឆ្នាំ ២០២៥ បានរៀបចំឡើងនៅគេហដ្ឋាន មានកម្មពិធីប្រពៃណីផ្សេងៗ ដែលបានរៀបចំឡើងយ៉ាងប្រណីតត្រជាក់ភ្នែករំលេចពេញដោយពណ៌មាសជុំវិញបរិវេណនៃកម្មពិធីមង្គលទាំងមូល ដោយមានការចូលរួមពីសាច់ញាតិសែរាជវង្យ និង បងប្អូនញាតិមិត្តលំដាប់អភិជនអ្នកមានមុខមាត់ក្នុងសង្គមជាច្រើនផងដែរ។

ងាកចាប់អារម្មណ៍លើឈុតនីមួយៗ ដែលព្រះអង្គម្ចាស់ក្សត្រិយ៍ និង ព្រះស្វាមី គ្រងក្នុងថ្ងៃមង្គលថ្ងៃទី ២ នេះវិញ ឃើញ​ថា​ឈុតនីមួយៗ សុទ្ធសឹងតែជាឈុតប្រពៃណីបុរាណខ្មែរដ៏ប្រណីតល្អឯក សម្រិតសម្រាំងយ៉ាងពិសេសពីទឹកដីជាងចំណាន ធ្វើឱ្យគូស្វាមីភរិយាថ្មី បន្ថែមភាពថ្លៃថ្នូរពេញដោយស្នាមញញឹមមានសុភមង្គលក្នុងថ្ងៃដ៏មានសិរីសួស្ដីមហាមង្គលនេះ៕

រូបភាពពី One Memory