កាលពីថ្ងៃទី ២៩ ខែវិច្ឆិកា ឆ្នាំ ២០២៤ កន្លងទៅ មានករណីតារាសម្តែងស្រីជនជាតិរុស្សីម្នាក់ឈ្មោះ Kamilla Belyatskaya បានស្លាប់បាត់បង់ជីវិតនៅឯកោះសាមុយ ប្រទេសថៃ ក្រោយពីនាងបានទៅអង្គុយលេងយូហ្គានៅលើផ្ទាំងថ្ម ហើយត្រូវរលកបោកចូលទៅក្នុងសមុទ្របាត់។
យ៉ាងណាមិញ នៅថ្ងៃទី ៤ ខែធ្នូ ឆ្នាំ ២០២៤ សាកសពរបស់នាងក៏ត្រូវបានគេរកឃើញ ហើយខាងគ្រួសាររបស់នាង ដែលមានឪពុក និង សង្សារក៏បានធ្វើដំណើរមកទទួលសពនាងពីអាជ្ញាធរផងដែរ។ ឪពុក និងសង្សាររបស់នាង បានយកសពនាងទៅបូជាតាមសាសនាព្រះពុទ្ធនៅក្នុងវត្តមួយនៅក្នុងកោះសាមុយផ្ទាល់ ហើយក៏បានយកធាតុរបស់នាងទៅបណ្តែតនៅក្នុងសមុទ្រ ព្រោះនាងចូលចិត្តសមុទ្រណាស់។
ដោយឡែក អ្វីដែលគួរឱ្យសោកស្តាយបំផុតនោះ នាង និង សង្សារក៏នឹងមានគម្រោងចូលរោងការជាមួយគ្នាក្នុងខែធ្នូនេះហើយ តែជាអកុសលនាងក៏ត្រូវចាកចោលកូនកំលោះរបស់នាងគ្មានថ្ងៃត្រឡប់៕
ប្រភព៖ Sanook
