កន្លងមកមហាជននិយមតាមដានជីវិតការងារសិល្បៈរបស់តារាភេទទី ៣ កញ្ញា ផេកខេក ច្បាស់ជាបានជ្រាបហើយថា ស្របគ្នាកំពុងជាពិធីការិនីមានប្រជាប្រិយភាព នាងក៏មានក្តីស្រមៃចង់ក្លាយទៅជាបវរកញ្ញាផងដែរ។
យ៉ាងណាមិញ ក្រោយមានក្តីស្រមៃជាយូរមកហើយនោះ ទីបំផុត ផេកខេក បានបោះជំហានឈានជើងចូលការប្រកួតបវរកញ្ញាហើយ ដោយនាងបានក្លាយទៅជាបេក្ខភាពផ្លូវការតំណាងឱ្យខេត្តព្រះសីហនុ ក្នុងកម្មវិធី Miss Queen Cambodia 2025។
ក្នុងដំណើរនៃការប្រកួត Miss Queen Cambodia 2025 និង ជាបវរកញ្ញាតំណាងខេត្តព្រះសីហនុនេះដែរ ផេនខេក ត្រូវបានអ្នកគាំទ្រចាប់អារម្មណ៍ដល់រូបនាងយ៉ាងខ្លាំង ក្រោយការបង្ហាញខ្លួនជាបន្តបន្ទាប់ ផេនខេក ពិតជាធ្វើបានល្អ។
យ៉ាងណាមិញ កាលពីរាត្រីថ្ងៃទី ២២ ខែឧសភា ឆ្នាំ ២០២៥ កន្លងទៅ ក្នុងវគ្គផ្តាច់ព្រ័ត្រនៃការប្រកួត Miss Queen Cambodia 2025 ផេនខេក ធ្វើបានល្អ ដោយមិននឹកស្មានការប្រកួតជាលើកដំបូងរបស់នាងក្នុងវិស័យនេះ បានក្តោបតំណែងជាម្ចាស់មកុដ Miss Queen Cambodia 2025 តាមក្តីស្រមៃហើយ។ ក្នុងនោះដែរ មហាជន អ្នកគាំទ្រ ក៏បានចូលរួមអបអរសាទរដល់ ផេនខេក ក្នុងការទទួលបានមកុដជាបន្តបន្ទាប់។
គួរជម្រាបថា លំដាប់រង ៤ រូបផ្សេងទៀតក្នុងកម្មវិធី Miss Queen Cambodia 2025 រួមមាន លំដាប់រងទី ១ MQC 2025 បានទៅកញ្ញា ស៊ីង ស៊ីង, លំដាប់រងទី ២ MQC 2025 បានទៅ កញ្ញា ណាតាហ្សា, លំដាប់រងទី ៣ MQC 2025 បានទៅលើ កញ្ញា តាតា និង លំដាប់រងទី ៤ MQC 2025 បានទៅលើកញ្ញា អ៊ីវ៉ា៕
លំដាប់រងទី ១ MQC 2025
លំដាប់រងទី ២ MQC 2025
លំដាប់រងទី ៣ MQC 2025
លំដាប់រងទី ៤ MQC 2025
