សារព័ត៌មាន Hk01 បានរាយការណ៍ពីករណីរបស់នារីជនជាតចិនម្នាក់ ដែលប៊ិះនឹងអស់សម្រស់ ក្រោយពីឈរថតរូបសុខៗ ស្រាប់តែមានដ្រូនមួយគ្រឿងហោះមកបុកចំកណ្តាលមុខមួយទំហឹង។
នារីរូបនេះបានរៀបរាប់ឱ្យដឹងថា ហេតុការណ៍បានកើតឡើងតាំងពីខែកក្កដា ឆ្នាំ ២០២៤ កន្លងទៅ ដោយពេលនោះនាងកំពុងតែឈរឱ្យសង្សារថតរូបនៅឯមាត់សមុទ្រមួយកន្លែង។ ខណៈនាងកំពុងឈរនោះ ស្រាប់តែមានដ្រូនមួយគ្រឿងបានហោះមកបុកចំមុខរបស់នាងមួយទំហឹងតែម្តង ជាសំណាងល្អពេលនោះនាងបានពាក់មួក និង ពាក់វែនតាការពារកម្តៅថ្ងៃ ទើបមិនបានប៉ះពាល់ធ្ងន់ធ្ងរដល់ផ្ទៃមុខ តែស្លាបរបស់វាបានភ្លាត់មកត្រូវឆ្អឹងដងកាំបិទរបស់នាង ដែលបង្កឱ្យមានស្នាមដាច់ជ្រៅគួរសមដែរ។
យ៉ាងណាមិញ នាងក៏បានតាមរកម្ចាស់ដ្រូនមកដោះស្រាយរួចរាល់ហើយ ប៉ុន្តែហេតុការណ៍មួយនេះបានធ្វើឱ្យនាងមានអារម្មណ៍ថាចេះតែភ័យខ្លាច ឱ្យតែបានឮសំឡេងដ្រូននៅជិតខ្លួនម្តងៗ៕
ប្រភព៖ Kapook
