សម្រាប់ទឹកជំនន់នៅឯប្រទេសថៃនាឆ្នាំ ២០២៥ នេះ គេសង្កេតឃើញថាខេត្តអយុធ្យាបានរងផលប៉ះពាល់ខ្លាំងជាងគេ ដោយក្នុងនោះមានការជន់លិចអស់ចំនួន ១១ ស្រុក ១៤៣ ឃុំ និង ៩៤៧ ភូមិ ព្រមទាំងប៉ះពាល់ទៅដល់ប្រជាជនចំនួន ៦២ ៣៤៨ គ្រួសារ និងមានអ្នកបាត់បង់ជីវិតចំនួន ១៥ នាក់។
ក្នុងនោះដែរ ដោយសារតែភាពចលាចលក្នុងនយោបាយក្នុងស្រុក ប្រជាជនដែលរងគ្រោះទាំងអស់មិនសូវបានរដ្ឋាបាលអើពើជួយឡើយ ដោយបណ្តោយឱ្យរស់ត្រាំត្រែងក្នុងទឹករាប់ខែយ៉ាងវេទនា។ ជាក់ស្តែង សារព័ត៌មាន Khaosod បានទម្លាយពីជីវិតរបស់បុរសចំណាស់វ័យ ៧០ ម្នាក់ ដែលជាអ្នកខេត្តអយុធ្យា និងត្រូវទឹកជំនន់ពន្លិចផ្ទះលិចដល់ដំបូល ហើយមកទល់ពេលនេះនៅមិនទាន់ទទួលការសង្រ្គោះនៅឡើយ ដោយបានត្រឹមតែវេចអីវ៉ាន់ឡើងទៅរស់នៅលើដំបូលផ្ទះម្នាក់ឯងយ៉ាងកម្សត់អស់ជាង ៤ ខែទៅហើយ។
យ៉ាងណាមិញ នៅមានប្រជាជនថៃដែលរស់នៅក្នុងខេត្តអយុធ្យាច្រើនទៀតណាស់ ដែលប្រទះទុក្ខលំបាកដូច្នេះ ហើយក៏នៅមិនទាន់ឃើញរដ្ឋាភិបាលថៃយកចិត្តទុកដាក់ជួយនោះដែរ ហើយទន្ទឹមនឹងនោះ ថៃបែរជាយកពេលវេលាមកឈ្លានពានទឹកដីប្រទេសកម្ពុជា ហើយបណ្តោយឱ្យប្រជាជនខ្លួនឯងឈឺចាប់ និងដាក់បណ្តាសាព្រឹកល្ងាច៕
ប្រភព៖ Khaosod
