មហាជនតាមដានពីតារាចម្រៀងរ៉េបកម្ពុជា លោក វណ្ណដា ច្បាស់ជាបានជ្រាបហើយថា កាលពីថ្ងៃទី ២៤ ខែកក្កដា ឆ្នាំ ២០២៥ កន្លងទៅនេះ លោកបានបង្ហោះសារបួងសួងបារមីវត្ថុស័ក្តិសិទ្ធិ និង បុព្វបុរសដូនតាខ្មែរ ជួយឃុំគ្រង ការពារថែរក្សា ដល់បងប្អូនកងទ័ពកម្ពុជានោះ ស្រាប់តែមានសារព័ត៌មានថៃចុះផ្សាយ និង មានការបញ្ចេញមតិពីអ្នកគាំទ្រថៃ ដោយប្រើពាក្យមិនសមរម្យដាក់។
លើសពីនោះ គេឃើញមានតារាចម្រៀងរ៉េបថៃ Younggu ក៏បានចេញមកបង្ហោះសារយ៉ាងទទឹងទិសបបួល វណ្ណដា វាយគ្នា និង ប្រើពាក្យអសុរសជាច្រើនជាន័យថៃ តែសរសេរ font ភាសាអង់គ្លេស។
បើទោះជា វណ្ណដា មិនទាន់ឆ្លើយតបខណៈលោកកំពុងបំពេញកាតព្វកិច្ចនៅសហរដ្ឋអាមេរិក ស្រាប់តែគេឃើញតារាចម្រៀងរ៉េបកម្ពុជា ២ រូប គឺលោក ខ្មែរមួយជីវិត និង លោក NPN បានបង្ហោះសារតតាំងនឹងតារាចម្រៀងរ៉េបថៃរូបនោះ។
ក្នុងនោះលោក NPN បានសតសេរជាភាសាថៃ ដោយបកប្រែមានន័យថា ៖ «Younggu Rapper Thai ឆ្កួតអី សរសេរភាសាថៃក៏សរសេរមិនកើត អានអក្សរថៃក៏អានមិនចេញ ក្របីឱ្យសុទ្ធអាឡប់»។
រីឯតារាចម្រៀងរ៉េបរៀមច្បង ខ្មែរមួយជីវិត រៀបរាប់ថា ៖ «ឃេីញអា Rapper Thai មួយនោះ ចង់បបួល វណ្ណដា វាយគ្នា! ផ្តាំថាបេីចង់វាយគ្នា ម៉េចមិនទៅចូលទាហានថៃទៅ តិចបាកខានសុីនំគមថៃ»៕
