ក្ដៅគគុកពេញហ្វេសប៊ុក! នារីម្នាក់ទម្លាយថាមានតារាចម្រៀងជួរមុខម្នាក់ដើរចម្លងជំងឺគេ និងធ្វើឱ្យនាងឆ្លងជំងឺមួយ រហូតដល់ដំណាក់ការត្រូវវះកាត់

ថ្មីៗនេះ លើបណ្ដាញសង្គមមហាជនអ្នកគាំទ្រកំពុងផ្ទុះការចាប់អារម្មណ៍ភ្ញាក់ផ្អើលខ្លាំង ក្រោយពីបានឃើញគណនីហ្វេសប៊ុកនារីម្នាក់ បានបង្ហោះសារទម្លាយពីតារាចម្រៀងជួរមុខក្នុងប្រទេសម្នាក់មានជំងឺដើរចម្លងគេតាមរយៈការរួមមេត្រី។

តាមរយៈគណនីហ្វេសប៊ុកឈ្មោះ Thida Kol ដែលបានបង្ហោះសាររៀបរាប់ផ្ដាំទៅតារាចម្រៀងជួរមុខម្នាក់នោះ ដោយពុំបានបញ្ជាក់ឈ្មោះ និង បង្ហាញមុខច្បាស់ៗឡើយ ដោយគ្រាន់តែឃើញភ្ជាប់ជាមួយនឹងរូបភាព Chat ជាបន្តបន្ទាប់។

ម្ចាស់គណនីខាងលើ បានរៀបរាប់ថា ៖ «ការផុសមួយនេះផ្តាំទៅដល់តារាចម្រៀងម្នាក់ដែលល្បីជួរមុខ នៅក្នុងសង្គមម្នាក់អ្នកឯងមានជំងឺហើយកុំដើរចម្លងគេពេញវាលពេញកាលអ៊ីចឹងអី ទៅពេទ្យព្យាបាលទៅ ប្រហែលខ្ញុំមិនមែនជាមនុស្សទី ១ ទេដែលអ្នកឯងចម្លងឱ្យ សូមកុំដើរបោកប្រាប់អ្នកផ្សេងដែលគេមិនដឹងអីគេហៅអ្នកឯង Idol មិនមែនគេចង់រួមភេទជាមួយអ្នកឯងទេ តែមកពីគេស្រឡាញ់ចូលចិត្តអ្នកឯង កុំយកភាពល្បីរបស់អ្នកឯងដើរធ្វើបែបនឹងទៀត ឬក៏គិតថាស៊ីគេចោលហេីយឡូយ? ឥឡូវជំងឺដែលខ្ញុំឆ្លងពីអ្នកឯងដល់ដំណាក់កាលវះកាត់ហេីយ»។

ចំពោះរឿងរ៉ាវនៃការបង្ហោះរបស់នារីរូបនេះដែរ កំពុងផ្ទុះការចែករំលែកពាសពេញបណ្ដាញសង្គម ដែលក្លាយជាប្រធានបទដ៏ក្ដៅគគុកធ្វើឱ្យមហាជនកំពុងធ្វើការវែកញែកពីតារាជួរមុខរូបនោះផងដែរ៕