និយាយពីតារាចម្រៀងស្រីវ័យក្មេង វីរៈ និច្ច ចាប់តាំងពីរៀបការសាងគ្រួសារជាមួយស្វាមីរូបសង្ហាច្រើនឆ្នាំមកនេះ នាងហាក់កាន់តែទទួលបានសុភមង្គលខ្លាំង មានស្វាមីពូកែយល់ចិត្ត ថ្នាក់ថ្នម និង ចាប់ដៃគ្នាសាងគ្រួសារយ៉ាងមានក្ដីសុខ។
លើសពីនេះ វីរៈ និច្ច និង ស្វាមី បានចាប់ដៃគ្នាកាន់កាប់ជំនួញពេញដៃ ទាំងវិស័យអនឡាញ និង របររកស៊ីផ្សេងៗយ៉ាងកាក់កប ដែលប្ដីប្រពន្ធមួយគូនេះ កំពុងរស់នៅក្នុងជីវភាពហ៊ឺហារ ជិះសុទ្ធរថយន្តទំនើប ប្រើប្រាស់របស់របរម៉ាកល្បីៗ ទៅកន្លែងប្រណីតៗថ្លៃៗ ចាយជីវិតបែបអភិជនទាំងវ័យក្មេង។
បើនិយាយពីមុខជំនួញការរកស៊ីរបស់តារាចម្រៀងស្រី វីរៈ និច្ច និង ស្វាមី ប៉ុន្មានឆ្នាំក្រោយនេះ ត្រូវបានគេដឹងថាប្ដីប្រពន្ធមួយគូនេះ បានចាប់ផ្ដើមកាន់កាប់ការរកស៊ីធំៗ គឺបានបើកភោជនីយដ្ឋានបែបរាត្រីចំនួន ២ កន្លែងនៅឯក្រុងព្រះសីហនុ និង ចាប់ផ្ដើមអាជីវកម្មអនឡាញផ្សេងៗបន្តបន្ទាប់ទៀត។
ស្របពេលកំពុងមមាញឹកកាន់កាប់ជំនួញពេញដៃ និង កាន់តែកាក់កបនេះដែរ ថ្មីៗនេះ គេបានឃើញ វីរៈ និច្ច និង ស្វាមីបណ្ដូលចិត្ត បានឆ្លៀតចំណាយពេលដើរកម្សាន្ត ២ នាក់ប្ដីប្រពន្ធយ៉ាងផ្អែមល្ហែមនៅក្រៅប្រទេស ខាងប៉ែកអឺរ៉ុប ដោយចេញពីប្រទេសមួយទៅប្រទេសមួយប្រមាណ ៥ ប្រទេស ផ្ដិតរូបភាពស្អាតៗ កន្លែងល្បីៗចាយជីវិតយ៉ាងអភិជនពោរពេញដោយក្ដីសុខ៕
