កាលពីថ្ងៃទី ២២ ខែឧសភា ឆ្នាំ ២០២៥ កន្លងទៅ ក្រសួងសុខាភិបាលសាធារណៈរបស់ថៃ បានចេញផ្សាយអំពីស្ថានភាពនៃការរីករាលដាលនៃមេរោគអេដស៍ក្នុងប្រទេសក្នុងឆ្នាំ ២០២៥ នេះ ដោយគេរំពឹងថានឹងមានចំនួនអ្នកឆ្លងថ្មីរហូតដល់ទៅជិត ៩០០០ នាក់ ដែលពេលនេះចំនួនជាក់ស្តែងគឺមាន ៨៨៦២ នាក់។
ទន្ទឹមនឹងនេះ ក្រសួងសុខាភិបាលសាធារណៈថៃ ក៏បានរាយការណ៍ពីការប៉ាន់ប្រមាណផងដែរអំពីចំនួនអ្នកស្លាប់ដោយសារជំងឺអេដស៍នៅក្នុងឆ្នាំ ២០២៥ នេះ គឺអាចនឹងកើនឡើងដល់ ១០២១៧ នាក់។ ដោយឡែក ចំនួនអ្នកផ្ទុកមេរោគ HIV ក៏ត្រូវបានគេប៉ាន់ប្រមាណដូចគ្នាដែរថា អាចនឹងមានចំនួន ៥៦៨ ៥៦៥ នាក់ឯណោះ។
ក្រសួងសុខាភិបាលសាធារណៈរបស់ បានសង្កត់ធ្ងន់ និង អំពាវនាវលើសារសំខាន់នៃការទទួលបានសេវាធ្វើតេស្តមេរោគអេដស៍ និង ការព្យាបាលដោយថ្នាំប្រឆាំងមេរោគអេដស៍ជាប្រចាំទៅកាន់ប្រជាជនថៃ ដើម្បីការពារការរីករាលដាលនៃការឆ្លងមេរោគប្រកបដោយប្រសិទ្ធភាព និង ដើម្បីកាត់បន្ថយចំនួននៃការឆ្លងថ្មី ការស្លាប់ និង ការលើកកម្ពស់គុណភាពជីវិតរបស់អ្នកផ្ទុកមេរោគអេដស៍ផងដែរ៕
ប្រភព៖ One31
