កូវីដ ១៩ ផ្ទុះឡើងវិញ តារាចម្រៀង ខេម ប្រកាសថាកំពុងឆ្លង និង ផ្តាំឱ្យគ្រប់គ្នាប្រុងប្រយ័ត្ន

កាលពីថ្ងៃទី ១២ ខែឧសភា ឆ្នាំ ២០២៥ កន្លងទៅនេះ ក្រសួងសុខាភិបាល បានចេញសេចក្តីប្រកាសព័ត៌មានស្តីពីការបង្កើនការការពារខ្លួនពីការឆ្លងវីរុសកូវីដ-១៩ ជូនដល់សាធារណៈជន ដោយបានបញ្ជាក់ថាស្ថានភាពនៃការចម្លងវីរុសកូវីដ-១៩ នៅតែមានបន្តនៅឡើយ។

យ៉ាងណាមិញ ស្របពេលការប្រកាសនៃការបង្កើនការការពារខ្លួនពីការឆ្លងវីរុសកូវីដ-១៩ ស្រាប់តែនៅព្រឹកថ្ងៃទី ១៣ ខែឧសភា ឆ្នាំ ២០២៥ នេះ តារាចម្រៀង ខេម បានបង្ហោះសារមួយធ្វើឱ្យអ្នកគាំទ្រមានការព្រួយបារម្ភ ដោយលោកបានឱ្យដឹងថាពេលនេះលោកកំពុងឆ្លងវីរុសកូវីដ-១៩។

ក្នុងនោះដែរ លោក ខេម បានបង្ហោះសាររៀបរាប់ថា៖ «សូមបងប្អូនប្រុងប្រយត្ន័ កូវីដ វាមកវិញហើយ!
ជាក់ស្តែងឥលូវខ្ញុំកំពុងកើតផ្ទាល់»។ ក្រោយការបង្ហោះសាររបស់លោក ខេម ខាងលើនេះហើយ អ្នកគាំទ្រ និង អ្នកលេងបណ្តាញសង្គមហ្វេសប៊ុកជាច្រើន ក៏បានចូលទៅខមមិនជូនពរលោកឱ្យឆាប់ជាសះស្បើយផងដែរ៕