អាយុ ៦ ឆ្នាំ ជាប់ឈ្មោះជាក្មេងស្រីស្អាតបំផុតលើលោក ដល់ធំឡើងសម្រស់អស់និយាយ បង្ហាញមុខភ្លាមផ្អើលក្នុងបណ្តាញសង្គម

កាលពីអាយុ ៦ ឆ្នាំ កុមារីឈ្មោះ Thylane Blondeau ត្រូវបានជាប់ឈ្មោះជាក្មេងស្រី ដែលស្រស់ស្អាតបំផុតនៅលើពិភពលោក។ នាងមានភ្នែកពណ៌ខៀវ សក់វែងពណ៌ទង់ដែង ជាមួយបបូរមាត់បះដ៏គួរឱ្យស្រលាញ់។

នៅអាយុ ៣ ឆ្នាំ នាងត្រូវបានអ្នកច្នៃម៉ូដហ្វេហ្សិន Jean Paul Gaultier ជ្រើសរើសមកដើរបង្ហាញម៉ូដជាលើកដំបូង។ ប្រលូកអាជីពម៉ូឌែលបាន ៣ ឆ្នាំ នាងបានជាប់ឈ្មោះជាក្មេងស្រី ដែលស្រស់ស្អាតបំផុតនៅលើពិភពលោក។ ហើយនៅអាយុ ១០ ឆ្នាំ នាងបានជាប់ឈ្មោះជាម៉ូឌែលវ័យក្មេងបំផុត ដែលបានថតម៉ូដឱ្យទស្សនាវដ្តីហ្វេហ្សិន Vogue ប៉ារីស។

កន្លងទៅជាច្រើនឆ្នាំ ឥលូវនេះនាងបានធំហើយ ដែលមានវ័យ ២៤ ឆ្នាំ។ នាងកំពុងផ្ទុះការចាប់អារម្មណ៍ខ្លាំងនៅលើបណ្តាញសង្គម ដោយសម្រស់របស់នាង ពិតជាស្រស់ស្អាត រកអ្វីបរិយាយមិនបាន។ សព្វថ្ងៃ តារាម៉ូឌែលជនជាតិបារាំងនេះ បានធ្វើការឱ្យក្រុមហ៊ុនម៉ាកយីហោល្បីៗដូចជា Miu Miu, Dolce & Gabbana, L’Oréal Paris, Versace, Ralph Lauren និង Hugo Boss។

ក្រៅពីអាជីពម៉ូឌែល នាងក៏មានជំនួញផ្ទាល់ខ្លួនទៅលើសម្លៀកបំពាក់ ដែលដាក់ឈ្មោះថា Heaven May រួមជាមួយផលិតផលថែរក្សាសម្រស់​ និង សក់ ប្រ៊េន Enalyht។

បើទោះគេតែងសរសើរនាងអំពីរូបសម្រស់ តែជារឿយៗនាងនៅតែរក្សាការដាក់ខ្លួន និង មិនគិតច្រើនអំពីវា។ កាលពីឆ្នាំ ២០២១ នាងបានជួបបញ្ហាសុខភាព គឺកើតជំងឺដុំគីសដៃស្បូន (Ovarian Cysts) ដែលតម្រូវធ្វើការវះកាត់ច្រើនលើកច្រើនសារ៕