កម្មនោះកម្ម! ប្ដីមុនក្បត់ចិត្តសម្រេចលែងលះ ប្រុងរៀបការប្ដីថ្មី តែប៉ះចំប្រុសព្រានយកស្រីក្រៅមកដេ/កដល់បន្ទប់

ថ្មីៗនេះមានវេបសាយវៀតណាមមួយឈ្មោះ docnhanh បានចុះផ្សាយថា មានស្រ្តីម្នាក់បានសម្រេចចិត្តរៀបការចូលគ្រួសារស្វាមីដែលមានឋានៈសមរម្យមួយ ក្រោយមើលចិត្តគ្នា ៥ ឆ្នាំ។ បន្ទាប់ពីរៀបការរួចនាង និង ស្វាមី ព្រមជាមួយម្តាយក្មេកតែងតែមានបញ្ហានឹងគ្នាជារឿយៗស្ទើរមិនលស់ថ្ងៃឡើយ រហូតថ្ងៃមួយនាងសម្រេចចិត្តលែងលះគ្នា ដោយសារតែចាប់បានស្វាមីរបស់នាងមានអ្នកទី ៣។

ក្រោយលែងលះនាង និង កូនស្រីអាយុ ២ ឆ្នាំបានចាកចេញព្រមជាមួយលុយមួយចំនួនដែលនាងគិតថាទុកបើកចំនួញតូចមួយ។ មុនមុខរបរចាប់ផ្តើម នាងក៏សម្រេចចិត្តយកកូនស្រីដាក់សាលាឱ្យចូលរៀនសិន មានថ្ងៃមួយនាងជួបបុរសម្នាក់ ខណៈពេលនាងទៅយកកូនទៅសាលា បុរសនោះក៏ចាប់ចិត្តលើនាង តាមសុំស្រឡាញ់ រហូតនាងព្រមបើកចិត្តម្តងទៀត លុះបើកចិត្តស្រឡាញ់គ្នា នាងឃើញទង្វើល្អបុរសនោះច្រើន គេតែងយកចិត្តទុកដាក់លើកូនស្រី និង នាង ព្រមទាំងទម្លាយថា គេក៏ជាពោះម៉ាយដែរ ព្រោះប្រពន្ធមានអ្នកថ្មី។

ពីមួយថ្ងៃទៅមួយថ្ងៃទំនាក់ទំនងចាប់ផ្តើមរឹងមាំ មានទំនុកចិត្តលើគ្នា ការងារក៏កាន់តែរវល់នាងក៏សម្រេចចិត្តថា ទុកកូនឱ្យបុរសជាសង្សារជាអ្នកមើលថែ លុះបាន ២ ឆ្នាំ នាង និង គេបានរើសថ្ងៃចូលរោងការ តែមុនថ្ងៃចូលរោងការមួយថ្ងៃនាងបានទៅលេងកូនស្រីនៅផ្ទះ គាប់ជូននាងសង្កេតឃើញកូននាងមុខស្រពោន មិននិយាយស្តី ដូចមុនឡើយទើបនាងសួរថា កូនកើតអ្វី?

ចំណែកកូនស្រីរបស់នាងចេះតែចង្អុលទៅក្រោមគ្រែ នាងក៏ឱនមើល ស្រាប់តែឃើញអាវទ្រនាបលីអូដែលមិនមែនជារបស់នាង ចុងក្រោយទើបដឹងថា ពេលដែលនាងមិននៅទុកគេឱ្យមើលកូន គេនាំស្រីផ្សេងមកដេកជាមួយ ពេលនោះនារីជាម្តាយក្មេងស្រីបានផ្តាច់ពាក្យ រំសាយមង្គលការចោលភ្លាមៗ ពិសេស ស្របពេលនោះថែមទាំងមានអ្នកជិតខាងមកប្រាប់នាងថា ការពិតទៅខាងប្រុសបែកប្រពន្ធដោយសារតែគេមានស្រី មិនមែនប្រពន្ធអ្នកក្បត់ឡើយ៕

ប្រភព៖ sanook