នៅថ្ងៃទី ២៤ ខែតុលា ឆ្នាំ ២០២៥ នេះ រដ្ឋបាលខេត្តសៀមរាប បានជូនដំណឹងឱ្យបានដឹងថា រដ្ឋបាលខេត្ត បានសហការជាមួយសហភាពសហព័ន្ធយុវជនកម្ពុជាខេត្តសៀមរាប នឹងរៀបចំកម្មវិធីមួយចំនួន នាឱកាសព្រះរាជពិធីបុណ្យអុំទូក បណ្តែតប្រទីប និង សំពះព្រះខែ អកអំបុក ឆ្នាំ ២០២៥ ដែលនឹងប្រព្រឹត្តទៅនៅថ្ងៃទី ០៤ ដល់ថ្ងៃទី ០៦ ខែវិច្ឆិកា ឆ្នាំ ២០២៥ នៅសួនច្បារព្រះរាជដំណាក់ និង តាមបណ្តោយដងស្ទឹងសៀមរាប។
ក្នុងនោះ សម្រាប់កម្មវិធីដែលនឹងរៀបចំក្នុងឱកាសព្រះរាជពិធីបុណ្យអុំទូក បណ្តែតប្រទីប និង សំពះព្រះខែ អកអំបុក ឆ្នាំ ២០២៥ នៅខេត្តសៀមរាប គឺមានការជិះទូកកម្សាន្ត កម្មវិធីប្រណាំងទូកមិត្តភាពសៀមរាបផ្ទះខ្ញុំ កម្មវិធីប្រគុំតន្ត្រីស្គរដៃ កម្មវិធីស្តង់ពិព័រណ៍ កម្មវិធីប្រដាល់គុនខ្មែរ ល្ខោនបាសាក់ និង កម្មវិធីកម្សាន្តផ្សេងៗជាច្រើនទៀត។
ខាងរដ្ឋបាលខេត្តបានបញ្ជាក់ឱ្យដឹងផងដែរថា ការរៀបចំព្រឹត្តិការណ៍នេះ ក្នុងគោលបំណងជំរុញដល់វិស័យទេសចរណ៍ ក្នុងខេត្តឱ្យកាន់តែមានភាពរីកចម្រើន ក៏ដូចជាចូលរួមក្នុងការស្តារ និង លើកស្ទួយសេដ្ឋកិច្ចខេត្តតាមរយៈការគាំទ្រ ផលិតខ្មែរ ដែលធ្វើឡើងដោយស្នាដៃកូនខ្មែរ ដោយអនុវត្តតាមពាក្យស្លោក «ភូមិមួយផលិតផលមួយ»៕
សូមអានសេចក្ដីលម្អិតនៅខាងក្រោម ៖
