ស្រ្តីមានផ្ទៃពោះ បើគេងមិនគ្រប់ប្រឈមនឹងការកើតជំងឺទឹកនោមផ្អែម – Popular Magazine

ជីវិត&សុខភាព

ស្រ្តីមានផ្ទៃពោះ បើគេងមិនគ្រប់ប្រឈមនឹងការកើតជំងឺទឹកនោមផ្អែម

Published

on

ចំនួន​ម៉ោង​ក្នុងការ​គេង​លក់​ស្កប់ស្កល់​បាន​ថយចុះ​យ៉ាងខ្លាំង​ក្នុង​រយៈពេល ២០ ចុង​ក្រោយនេះ​នៅក្នុង​សង្គម​នៃ​ជីវិត​មនុស្ស ជាពិសេស​ក្នុងចំណោម​ស្ត្រី​ជិត ១ ភាគ ៤ និង បុរស​មាន​ចំនួន ១៦% កំពុង​ប្រឈម​នឹង​ការ​គេង​មិន​គ្រប់ នេះ​បើ​យោងតាម​វេជ្ជបណ្ឌិត Sirimon Reutrakul ជា​សាស្ត្រាចារ្យ​រង​នៃ​សាកលវិទ្យាល័យ University of Illinois ។

​តាម​ការសិក្សា​នេះ​បាន​រកឃើញថា​ ស្ត្រី​មាន​ផ្ទៃពោះ​ដែល​គេង​មិនបាន​គ្រប់គ្រាន់​នឹង​ប្រឈមមុខ​ហានិភ័យ​នៃ​ជំងឺ​ទឹក នោមផ្អែម ពីព្រោះ​វា​បាន​បង្ក​ឱ្យ​កម្រិត​ជាតិ​ស្ករ​នៅក្នុង​ឈាម​កាន់តែ​កើនឡើង​ខ្លាំង​ជាពិសេស​ចំពោះ​ស្ត្រី​កំពុងមាន​ផ្ទៃពោះ ។ ប៉ុន្តែលោក Reutrakul បាន​ប្រាប់​ឱ្យដឹងថា យើង​ត្រូវការ​ព័ត៌មាន​បន្ថែម​ជាច្រើន ដើម្បី​កំណត់ថា​តើ​រយៈពេល​នៃ​ការ​គេង​មិនបាន​គ្រប់គ្រាន់​ត្រឹម​កម្រិត​ណា​ដែលនាំឱ្យ​ឈានទៅ​កើត​ជំងឺ​ទឹកនោមផ្អែម​នោះ ។

​ស្ត្រី​មាន​ផ្ទៃពោះ​ជារឿយៗ​តែង​កើតមាន​បញ្ហា​ជំងឺ​ទឹកនោមផ្អែម​អំឡុងពេល​មាន​ផ្ទៃពោះ​ដែលជា​រឿង​ធម្មតា និង ទូទៅ​ទៅហើយ​ក្នុង​ចន្លោះ​ត្រីមាស​ទី ២ ឬ​ទី ៣ ។ គ្រូពេទ្យ​តែង​ណែ​នាំឱ្យ​ស្ត្រីឱ្យ​យកចិត្តទុកដាក់​ពី​ចំណុច​នេះ ដោយ​ត្រូវ​ទៅ​វាស់​នូវ​បរិមាណ​ជាតិ​ស្ករ​ក្នុង​ឈាម​នៅ​ចន្លោះ​សប្តាហ៍​ទី ២៤ និង ទី ២៨ ក្នុងអំឡុងពេល​ពរ​ពោះ ។

​ស្ត្រី​អាចមាន​ហានិភ័យ​ខ្ពស់​នៅពេល​សម្រាល​ប្រសិនបើ​កម្រិត​ជាតិ​ស្ករ​ក្នុង​ឈាម​របស់​ពួកគេ​កើនឡើង​ខ្ពស់ ព្រោះ​អាចធ្វើឱ្យ​កូន​ក្នុង​ផ្ទៃ​លើស​ទម្ងន់ និង ​ពិបាក​ក្នុងពេល​សម្រាល ។ ប៉ុន្តែ​បញ្ហា​កើត​ជំងឺ​ទឹកនោមផ្អែម​ក្នុងពេល​ពរ​ពោះ​ដូច្នេះ និង វិល​មករក​ភាព​ធម្មតា​វិញ​បន្ទាប់ពី​សម្រាក​កូន​រួច ។

​ស្ត្រី​ដែលមាន​កូន​ដំបូង​អាច​កើត​ជំងឺ​ទឹកនោមផ្អែម​អំឡុងពេល​មាន​ផ្ទៃពោះ និង ឡើង​ទម្ងន់​ខ្លាំង ប៉ុន្តែ​បើ​ស្ត្រី​មិនចេះ​តាមដាន​ពិនិត្យ​នោះទេ វា​អាច​បណ្តាលឱ្យ​ពួកគេ​ប្រឈម​នឹង​ការកើត​ជំងឺ​ទឹកនោមផ្អែម​ប្រភេទ​ទី ២ បាន​នៅក្រោយពេល​សម្រាលកូន​រួច ឬ​នៅពេល​ឈានដល់​វ័យចាស់​បន្តិច ឬ ក៏​អាច​ប្រឈម​នឹង​ការ​ធាត់​លើស​ទម្ងន់ មិនអាច​វិល​មករ​ក្សា​រូបរាង​ដើម និង គ្រប់គ្រង​ទម្ងន់​បាន​នោះទេ ។

​ការស្រាវជ្រាវ​ត្រូវបាន​គេ​វិភាគ​ទៅលើ​ស្ត្រី​មាន​ផ្ទៃពោះ ចំនួន ១៧.៣០៨ នាក់ ដោយ​ធ្វើការ​សិក្សា​ពី​រយៈពេល​គេង​ ប្រវត្តិ​នៃ​ការឡើង​ទម្ងន់​ កម្រិត​ជាតិ​ស្ករ​ក្នុង​ឈាម និង រយៈពេល​នៃ​ការ​គេង​តិចជាង ៦ ម៉ោង ដោយ​ពិនិត្យ​ទៅលើ​ស្ត្រី​មាន​ផ្ទៃពោះ​ចំនួន ២៨៧ នាក់ ដែលមាន​ជំងឺ​ទឹកនោមផ្អែម​អំឡុងពេល​មាន​ផ្ទៃពោះ​ដើម្បី​វិភាគ​បន្ថែម ។ ជា​លទ្ធផល​ហានិភ័យ​នៃ​ការកើត​ជំងឺ​ទឹកនោមផ្អែម​មាន​ចំនួន ១,៧ ដង​បន្ថែមទៀត​ពីលើ​ជំងឺ​ទឹកនោមផ្អែម​ធម្មតា​អំឡុងពេល​មាន​ផ្ទៃពោះ​។ ការស្រាវជ្រាវ​ត្រូវបាន​ចេញផ្សាយ​នៅក្នុង​ទស្សនា​វ​ដ្តី​ស្រាវជ្រាវ Sleep Medicine Review ៕ សុផល (​ប្រភព​៖ Zeenews.com)

មតិរបស់អ្នក

ជីវិត&សុខភាព

គ្រាន់តែពន្យាពេលកាត់ទងផ្ចិតទារក ៦០ វិនាទី មានប្រយោជន៍អស្ចារ្យមិននឹកស្មានដល់

Published

on

By

ស្ត្រី​មាន​ផ្ទៃពោះ​ដែល​ជិត​ដល់ពេល​សម្រាលកូន និង គ្រូពេទ្យ​ឆ្មប​មួយចំនួន​គួរឈ្វេងយល់​ដែរ​ថា រយៈពេល​កាត់​ទងផ្ចិត​របស់​ទារ​ក​គួរតែ​ពន្យា​ពេល​ឱ្យបាន ១ នាទី ព្រោះ​បើ​យោងតាម​ការសិក្សា​ថ្មី​មួយ​បាន​បង្ហាញថា ការធ្វើ​បែបនេះ​អាច​កាត់បន្ថយ​អត្រា​ស្លាប់​របស់​ទារក​មិន​គ្រប់​ខែ​បាន​រាប់ម៉ឺន​នាក់​ក្នុង​មួយឆ្នាំៗ ។​

​កាលពី​ឆ្នាំ ២០១៥ បើតាម​គោលការណ៍​ណែនាំ​បានឱ្យដឹងថា រយៈពេល​នៃ​ការ​កាត់​ទងផ្ចិត​គួរ​ស្ថិតក្នុង​ចន្លោះ​ពី ៣០ ទៅ ៦០ វិនាទី ជាពិសេស​ចំពោះ​ទារក​ដែល​កើតមុន​កំណត់ ។ ប៉ុន្តែ​បើ​យោងតាម​អង្គការ​សុខភាព​ពិភពលោក ដែល​បាន​សិក្សា​ និង ​ណែនាំ​ថ្មីៗ​នេះ​ថា ការ​កាត់​ទងផ្ចិត​គួរ​ស្ថិតក្នុង​រយៈពេល ៦០ វិនាទី​ទើប​ប្រសើរ ។

​យោងតាម​ការសិក្សា​ពីមុន​បានឱ្យដឹងថា មូលហេតុ​ចម្បង​នៃ​ការពន្យារ​ពេលនេះ​ គឺ​ដោយសារ​វា​ត្រូវ​ការឱ្យ​ចរន្តឈាម​ហូរ​ចេញពី​ទងសុក​ឱ្យបាន​គ្រប់គ្រាន់ ដើម្បីឱ្យ​ទារក​ដែល​បាន​កើតមកមាន​រយៈពេល​សម្រប​ខ្លួន​ទៅនឹង​ចលនា​ដកដង្ហើម​ក្នុង​បរិយាកាស​ខាងក្រៅ ។

​ជាទូទៅ​នៅ​ទូទាំង​ពិភពលោក ទារក​ប្រមាណ ១៥ លាន​នាក់​បាន​កើតមុន​កំណត់ គឺ​មុន​សប្តាហ៍​ទី ៣៧ ជា​រៀងរាល់ឆ្នាំ ក្នុងនោះ​មាន​ទារក​ចំនួន ១ ​លាន​នាក់​បាន​ស្លាប់ ។ ហើយ​ការសិក្សា​បានបង្ហាញ​ឱ្យដឹងថា ការពន្យា​ពេល​កាត់​ទងផ្ចិត​រហូតដល់ ១ នាទី គឺអាច​ជួយសង្គ្រោះ​ជីវិត​កុមារ​បាន​ច្រើន គឺ​បាន​ប្រមាណ​ជា ១ ភាគ ៣ ឯណោះ ។

​លទ្ធផល​នៃ​ការស្រាវជ្រាវ​នេះ​បានចេញ​ផ្សាយ​ក្នុង​ទស្សនា​វ​ដ្តី​ស្រាវជ្រាវ Journal of Obstetrics and Gynaecology នៅ​សហរដ្ឋអាមេរិក ដោយ ក្រុម​សិក្សា​បានធ្វើ​តេស្ត​ទៅលើ​អត្រា​ស្លាប់ និង អត្រា​ឈឺ​របស់​កុមារ​ចំនួន ១៨ ​លើក ក្នុងចំណោម​ទារក​ជាង ៣០០០ នាក់ ដែល​បាន​កើតមុន​សប្តាហ៍​ទី ៣៧ ។

​លើសពីនេះ​ក៏មាន​ការសិក្សា​មួយ​ផ្សេងទៀត​ដែល​បាន​ចុះផ្សាយ​នៅក្នុង​ទស្សនា​វ​ដ្តី​ស្រាវជ្រាវ New England Journal of Medicine ក៏បាន​សិក្សា​ទៅលើ​ទារក​ចំនួន ១៥៦៦ នាក់ ដែល​បានកើត​ក្នុង​រយៈពេល​លើសពី ១០ សប្តាហ៍​ឡើងទៅ នៅតាម​មន្ទីរពេទ្យ​ចំនួន ២៥ ក្នុង ៧ ប្រទេស ដោយ​រកឃើញថា លទ្ធផល​នៃ​ការស្លាប់​បាន​ថយចុះ​ចំនួន ២,៦ ភាគរយ ប្រសិនបើ​ពន្យា​ពេល​កាត់​ទងផ្ចិត ៕ សុផល (​ប្រភព​៖ Zeenews.com)

 

ចុចអានអត្ថបទបន្ត

ជីវិត&សុខភាព

បុរសមានបញ្ហាបេះដូងខ្សោយ អាចគ្រោះថ្នាក់ដល់ជីវិតបើរួមភេទញឹកញាប់

Published

on

By

តាម​ការស្រាវជ្រាវ​ថ្មី​មួយ​បានឱ្យដឹងថា បុរស​ដែលមាន​ប្រវត្តិ​ជំងឺ​បេះដូង​អាចមាន​ហានិភ័យ​ខ្ពស់​នឹងគាំង​បេះដូង ក្នុងអំឡុង ឬ​ក្រោយពេល​រួមភេទ ។​

​បញ្ហា​នេះ​ច្រើន​កើតឡើង​ដោយសារតែ​ដៃគូ​មិនបាន​ជួយ​សម្រួល​ចលនា​បេះដូង​ជាមុន ។ ហើយ​ករណី​ដែល​គាំងបេះដូង​ដែល​បណ្តាលមកពី​ការរួម​ភេទ គឺមាន​អត្រា​ខ្ពស់​ខ្លាំង និង អាច​ប្រឈម​ការស្លាប់​ភ្លាមៗ ។​

​ករណី​មួយ​ក្នុងចំណោម ៣ ករណី អ្នកជំងឺ​អាច​ទទួល​ការសង្គ្រោះ​បន្ទាន់​បាន​ភ្លាមៗ ។ ប៉ុន្តែ​បើទោះជា​អាច​សង្គ្រោះ​នៅ​មន្ទីរពេទ្យ​ទាន់ពេល​ក្តី វា​ក៏មាន​អត្រា ២០ ភាគរយ​តែប៉ុណ្ណោះ​ដែល​អាច​ធូរស្រាល​ឡើងវិញ និង អាច​ចេញពី​មន្ទីរពេទ្យ​បាន ។​

​ការស្រាវជ្រាវ​នេះ​បាន​ចុះផ្សាយ​ក្នុង​ទស្សនា​វ​ដ្តី​ស្រាវជ្រាវ American College of Cardiology ដោយ​ក្រុម​ស្រាវជ្រាវ​បាន​ពិនិត្យ​លើ​កំណត់ត្រា​ទៅលើ​អ្នកជំងឺ​ចំនួន​ជាង ៤៥០០ នាក់ ក្នុង​រយៈពេល ១៣ ឆ្នាំ ក្នុងចំណោម​បុរស​ដែលមាន​អាយុ​ចាប់ពី ១៨ ឆ្នាំ​ឡើងទៅ ជាពិសេស​ក្នុងចំណោម​ក្រុម​បុរស​ដែលមាន​សកម្មភាព​រួម​ភេទ​ច្រើន មានប្រើ​ថ្នាំ​រំញោច និង គ្រឿង​ស្រវឹង ៕ សុផល (​ប្រភព​៖ Zeenews.com)


ចុចអានអត្ថបទបន្ត
Advertisement
Advertisement

ព័ត៌មានថ្មីៗ

សង្គម&ទេសចរណ៍6 mins ago

ភ្លៀងមួយមេធំ លិចភូមិដ្ឋានប្រជាជននៅខេត្តប៉ៃលិន

តាមការផ្សាយរបស់បណ្តាញសង្គមផ្លូវការរបសក្រសួងធនធានទឹក និង ឧតុនិយមបាន ឱ្យដឹងថា ភ្លៀងមួយមេយ់ាងធំនៅកណ្តាលយប់ ថ្ងៃទី ២៣ ខែវិច្ឆិកា ឆ្នាំ ២០១៧ នេះ បណ្តាឱ្យ  ទឹកស្ទឹងប៉ៃលិន ពេញប្រៀប និង លិចផ្ទះសំបែងប្រជាពលរដ្ឋជាច្រើខ្នង ពិសេសអ្នកដែលរស់នៅតាមបណ្តោយស្ទឹងនេះតែម្តង ។ បរិមាណទឹកភ្លៀងដែលបានធ្លាក់ក្នុងកំរិត ១០០...

អន្តរជាតិ35 mins ago

អាមេរិក ព្រមានពលរដ្ឋខ្លួនមិនឱ្យធ្វើដំណើរទៅប្រទេសអារ៉ាប់

ក្រសួងការបរទេស​អា​មេ​រិ​ក​ បានចេញ​ការព្រមាន​មួយ​ទាក់ទង​នឹង​ការធ្វើដំណើរ​ទៅកាន់​ប្រទេស​អារ៉ាប់​ប៊ី​សា​អូឌីត ​កាលពី​ថ្ងៃ​អង្គារមក​នេះ ដោយ​ស្នើឱ្យ​ប្រជាពលរដ្ឋ​របស់ខ្លួន​ពិចារណា​ដោយ​ប្រុងប្រយ័ត្ន​មុន​ធ្វើដំណើរ​ទៅកាន់ Gulf state បន្ទាប់ពី​មាន​វិបត្ដិ​កំពុង​បន្ត​កើតមានឡើង​ជាមួយប្រទេសយេ​ម៉ែន ។​ ​សេចក្តីថ្លែងការណ៍​ដែល​ចេញ​ដោយ​ក្រសួងការបរទេស​អាមេរិក ​បាន​និយាយថា​ភេរវកម្ម​កំពុង​រីក​រាលដាល​នៅ​អារ៉ាប៊ីសាអ៊ូឌីត ​ហើយ​ការវាយប្រហារ​អាច​កើតមានឡើង​គ្រប់ពេល​ដោយ​គ្មាន​ការផ្តល់​សញ្ញា​អាសន្ន​ឱ្យ​បានដឹង​ជាមុន​នោះឡើយ ។​ ​ក្រុម​ភេរវកម្ម​រួមទាំង​រដ្ឋ​ឥស្លាម​អ៊ីរ៉ាក់ និង ស៊ី​រី (ISIS) ព្រមទាំង​បណ្តាញ​មួយចំនួនមានបំណង​វាយប្រហារទាំង​មកលើ​រដ្ឋាភិបាល​លោកខាងលិច​ផង និង អារ៉ាប់ ផង ។...

កីឡា1 hour ago

ក្លឹប Paris Saint German ឡើងជើងខ្លាំង បំបាក់ក្លឹប Celtic ក្នុងលទ្ធផល ៧ ទល់នឹង ១

ក្លឹប​បាល់ទាត់ Celtic បាន​នាំមុខ​មួយ​គ្រាប់​មុននៅក្នុង​ទឹកដី​របស់​ក្លឹប Paris Saint German តែ​លទ្ធផល​នេះ​មិនអាច​រក្សា​បានទេ ដោយ​ក្រុម Paris Saint German បាន​ទម្លាយ​ចូល​សំណាញ់​វិញ ៧ គ្រាប់​បញ្ចប់​ក្នុង​លទ្ធផល ៧ ទល់នឹង ១ ។​ គ្រាប់​បាល់​ទាំង ៧ គ្រាប់​របស់​ក្លឹប...

កម្សាន្ត2 hours ago

ដល់​មក​ស្លៀក​ឈុត​កូនក្រមុំ​បែបនេះ វ៉ាន់ នី​ឡា ស្អាត​ប្លែក !

​ធ្លាប់តែ​ឃើញ​ស្រី​ស្អាត វ៉ាន់ នី​ឡា ស្លៀកពាក់​តុបតែង​ខ្លួន​សិច​ស៊ី​បែប​យុវវ័យ​សម័យថ្មី ។ ប៉ុន្តែ​ថ្មីៗ​នេះ​គេ​បានឃើញ​ស្រី​ស្អាត វ៉ាន់ នី​ឡា តុ​បតែងខ្លួន​ក្នុង​សម្លៀកបំពាក់​ប្រពៃណី​ខ្មែរ​ជា​កូនក្រមុំ​មើលទៅ​ស្អាត​ប្លែក​កួរ​ឱ្យ​ស្រឡាញ់ ។ ចង់ដឹងថា​ស្អាត​កម្រិតណា​តោះ​ទស្សនា​រូបភាពទាំងអស់គ្នា ។​ ​ថ្មីៗ​នេះ​គេ​បានឃើញ​តារាចម្រៀង​នៅក្នុង​ផលិតកម្ម​ភ្លេងរីខ​ត តុបតែង​ខ្លួន​ជា​កូនក្រមុំ​នៅក្នុង​ឈុត​ប្រពៃណី​ខ្មែរ ។ នេះ​ជា​លើកដំបូងដែល​នាង​ស្លៀកពាក់​បែបនេះ ។ មានការ​សរសើរ​ថា​ដល់​តុបតែង​ខ្លួន​បែបនេះ​មើលទៅ​សម្រស់ វ៉ាន់ នី​ឡា...

កម្សាន្ត2 hours ago

ជាបណ្ដោះអាសន្នកម្ពុជាឈរនៅលំដាប់កំពូលទី ៣ សូមបន្តបោះឆ្នោតឱ្យ ប៊ី សុធារី កាន់តែច្រើន !

បន្ទាប់ពី​បើក​ឱ្យមាន​ការបោះឆ្នោត​តាមរយៈ​បណ្ដាញ​សង្គម Twitter និង តាម Website Miss Universe រួចមក ជា​បណ្ដោះអាសន្ន​ពេលនេះ​បាន​រកឃើញ

រ៉តឌី

រ៉តឌី

ឈ្ងុយណាស់ទ្រាំមិនបានទេ ! Wow មើលទៅឆ្ងាញ់ណាស់ រសជាតិ សាច់ ក្លិនឈ្ងុយឆ្ងាញ់ «រ៉តឌី» បន្ថែមក្តីស្រឡាញ់ក្នុងគ្រួសារ

Posted by Popular Magazine on Wednesday, November 22, 2017

ពេញនិយម